រដ្ឋមន្ត្រី ប៉េង ពោធិ៍នា ដឹកនាំកិច្ចប្រជុំពិនិត្យពិភាក្សាលើការគ្រប់គ្រង និងបង្ការគ្រោះមហន្តរាយហេដ្ឋារចនាសម្ព័ន្ធផ្លូវថ្នល់ ដែលរងគ្រោះដោយទឹកជំនន់ ក្នុងក្របខណ្ឌក្រសួងសាធារណការ
ភ្នំពេញ៖ នារសៀលថ្ងៃអង្គារ ទី១៤ ខែវិច្ឆិកា ឆ្នាំ២០២៣ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំ ដើម្បីពិនិត្យពិភាក្សាលើការគ្រប់គ្រង និងបង្ការគ្រោះមហន្តរាយ ក្នុងក្របខណ្ឌក្រសួងសាធារណការ និងដឹកជញ្ជូន ដោយមានការអញ្ជើញចូលរួមពីថ្នាក់លោកជំទាវ ឯកឧត្តម ជាថ្នាក់ដឹកនាំ និងមន្ត្រីបច្ចេកទេសពាក់ព័ន្ធជាច្រើនរូប។
ក្នុងនោះដែរ ឯកឧត្តមរដ្ឋមន្ត្រី បានផ្តល់អនុសាសន៍ដល់អង្គប្រជុំ ជាពិសេសក្រុមការងារដែលពាក់ព័ន្ធឱ្យធ្វើការសិក្សា និងងវិភាគលើកត្តាចម្បងៗ ដែលនាំឱ្យមានជន់លិច ដើម្បីបានជាធាតុចូលក្នុងការបង្កើតយន្តការគ្រប់គ្រង បង្ការ និងទប់ស្កាត់ ៕
