នាយករដ្ឋមន្ត្រី ហ៊ុន ម៉ាណែត៖ ក្នុងមួយអាណត្តិនេះ យ៉ាងហោចសម្តេចត្រូវជួបកម្មករពីរជុំទៀត

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងថា រាជរដ្ឋាភិបាលមិនបានដេកទេគឺរយៈពេល៩០ថ្ងៃគត់គិតទៅដល់ថ្ងៃស្អែកសម្តេចបានជួបកម្មករនិយោជិត រហូត ដល់១០លើក និងមានកម្មករប្រមាណ ២០ម៉ឺននាក់។ ដូច្នេះក្នុងមួយអាណត្តិទី៧នេះយ៉ាងហោចសម្តេចត្រូវជួបកម្មករ ពីរជុំទៀត។

សម្តេចធិបតី បានថ្លែងបែបនេះក្នុងឱកាសដែលសម្តេច បានអញ្ជើញចុះជួបសំណេះសំណាលជាមួយបងប្អូនកម្មករ និយោជិត ចំនួន ១៨,១០៨នាក់ នៅតាមបណ្តារោងចក្រ សហគ្រាសចំនួន ១៣រោងចក្រ ដែលមានមូលដ្ឋានក្នុងខណ្ឌកំបូល រាជធានីភ្នំពេញ នាព្រឹកថ្ងៃទី២១ ខែវិច្ឆិកា ឆ្នាំ២០២៣។

សម្តេចធិបតី នាយករដ្ឋមន្ត្រី បានមានប្រសាសន៍បន្តថា ការជួបជាមួយបងប្អូននឹងបន្តទៀតមិនមែនបញ្ចប់នៅថ្ងៃនេះទេ ទោះបីមិនបានចុះជួបតែក៏នៅតែយកចិត្តទុកដាក់ព្រោះពាក់ព័ន្ធទៅនឹងជីវភាពរស់នៅរបស់ប្រជាពលរដ្ឋ។

ដូចនេះរយៈពេល ៩០ថ្ងៃនេះយើងមិនបានដេកដូចអ្នកខ្លះនិយាយនោះទេ។ យើងបានដាក់ចេញគោលន យោបាយអាទិភាពចំនួន០៦ ៕