ឯកឧត្តម ស្វាយ សំអ៊ាង៖ រាជរដ្ឋាភិបាលបានដាក់ចេញការធ្វើវេទិកាសាធារណៈ ជាការក្រមូលផ្តុំបញ្ហាប្រឈមនានា ហើយជាការផ្សព្វផ្សាយគោនយោបាយរបស់រាជរដ្ឋាភិបាលនៃការអភិវឌ្ឍន៍ជាតិ
ភ្នំពេញ៖ ឯកឧត្តម ស្វាយ សំអ៊ាង អភិបាលខេត្តស្ទឹងត្រែងបានថ្លែងថា ប្រជាពលរដ្ឋនៅស្រុកបុរីអូរស្វាយសែនជ័យបានសំណូមពរទៅលើ វិស័យហេដ្ឋារចនា សម្ព័ន្ធ ផ្លូវ ស្ពាន មណ្ឌលសុខភាព បណ្តាញអគ្គីសនី បំពាក់ប្រព័ន្ធInternet គឺមាននៅក្នុងផែនការអភិវឌ្ឍន៍របស់មន្ទីរអង្គភាពខេត្ត រឺផែនការអភិវឌ្ឍន៍ខេត្តរយៈពេល៥ឆ្នាំ និងកម្មវិធីវិនិយោគ៣ឆ្នាំរំកិល។
ឯកឧត្តម ស្វាយ សំអ៊ាង ថ្លែងនៅក្នុងពិធីផ្សព្វផ្សាយ ពិគ្រោះយោបល់ក្រុមប្រឹក្សាខេត្ត បានធ្វើឡើងនៅឃុំព្រះរំកិល ស្រុកបុរីអូរស្វាយសែនជ័យ កាលពីព្រឹកថ្ងៃទី២២ ខែវិច្ឆិកា ឆ្នាំ ២០២៣នេះ ដែលមានមន្រ្តីរាជការ និងប្រជាពលរដ្ឋ៣២២នាក់ចូលរួម។
ជាមួយនិងរបាយការណ៍នៃការអភិវឌ្ឍន៍ខេត្ត ឯកឧត្តមអភិបាលខេត្តបានលើកឡើងថា៖ ក្នុងឆ្នាំ២០២៣ រដ្ឋបាលខេត្ត បានដោះស្រាយនូវបញ្ហាប្រឈមផ្នែកសន្តិសុខសណ្តាប់ធ្នាប់ សាធារណៈ ការពារនិងបង្រ្កាបបទល្មើសធនធានធម្មជាតិ លើកកំពស់សោភ័ណ្ឌភាពក្រុង អនាម័យ និងបរិស្ថាន ការស្ថាបនាហេដ្ឋារចនាសម្ព័ន្ធ ផ្លូវ លូ ស្ពាន ប្រព័ន្ធធារាសាស្រ្ត ការពង្រីកបណ្តាញ ចែកចាយអគ្គិសនី និងបណ្តាញផ្គត់ផ្គង់ទឹកស្អាត ការចុះបញ្ជីដីធ្លី និងការផ្តល់បណ្ណកម្មសិទ្ធិដី ធ្លី ការអភិវឌ្ឍ វិស័យទេសចរណ៍ ការអភិវឌ្ឍន៍ធនធានមនុស្ស និងការអភិវឌ្ឍហេដ្ឋារចនាសម្ព័ន្ធ ដឹកនាំគ្រប់គ្រង ការផ្តល់សេវាសុខាភិបាល និងអប់រំ ការលើកកំពស់យេនឌ័រ ការងារសង្គមកិច្ច ការងារបណ្តុះបណ្តាលវិជ្ជាជីវៈ និងការពង្រឹងកិច្ចសហប្រតិបត្តិការលើវិស័យសេដ្ឋកិច្ច សង្គម និងសន្តិសុខ សណ្តាប់ធ្នាប់តាមបណ្តាយព្រំដែនកម្ពុជា ឡាវជាដើម។
នៅអង្គវេទិកាមានការចូលសមាជិកក្រុមប្រឹក្សាខេត្ត ប្រធានអនុប្រធាមន្ទីរអង្គភាពជុំវិញខេត្ត កងកំលាំងប្រដាប់អាវុធទាំង៣ប្រភេទ ដើម្បីស្វែងរកដំណោះស្រាយជូនប្រជាពលរដ្ឋ ដែលជួបការលំបាក់និងសំណូមពរ។
ឯកឧត្តម ឈាង ឡាក់ ប្រធានក្រុមប្រឹក្សាខេត្តឡើងថ្លែងអំពាវនាវ ដល់ប្រជាពលរដ្ឋ មន្រ្តីរាជការ កំលាំងមានសមត្ថកិច្ច ដៃគូរអភិវឌ្ឍន៍ចូលរួមឱ្យបានច្រើន ដើម្បីដឹងពីទុក្ខកង្វល់ បញ្ហាប្រឈម ដាក់ចូលក្នុងផែនការអភិវឌ្ឍន៍។
គោលបំណងសំខាន់នៃវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តនេះ គឺដើម្បីផ្តល់ឱកាសជូនប្រជាពលរដ្ឋ និងអ្នកពាក់ព័ន្ធទាំងអស់ បានស្វែងយល់ពីស្ថានភាពទូទៅនៃការអភិវឌ្ឍន៍ខេត្ត ក្រុង ស្រុក ឃុំ សង្កាត់ ព្រមទាំងបញ្ហាប្រឈមនានា ដែលកើតមាននារយៈកាលកន្លងមក ពិសេសវេទិកានេះ ក៏នឹងផ្តល់នូវឱកាសផងដែរ ជូនបងប្អូនប្រជាពលរដ្ឋ និងអ្នកពាក់ព័ន្ធទាំងអស់ ក្នុងការបញ្ចេញមតិរបស់ខ្លួន ដែលពាក់ព័ន្ធនឹងក្តីកង្វល់ សំណូមពរ និង តម្រូវការជាក់ស្តែងក្នុងមូលដ្ឋាន ដើម្បីឲ្យអាជ្ញាធរមានសមត្ថកិច្ចដោះស្រាយ និងឆ្លើយតបចំពោះតម្រូវការ និងសំណូមពរដែលបានលើកឡើង។ ដែលនៅស្រុកបុរីអូរសែនជ័យ បានទទួលនូវការសំណូមពរ និងបញ្ហាកង្វល់របស់ប្រជាពលរដ្ឋចំនួន៤៣សំណូមពរ ក្នុងនោះបាន ដោះស្រាយនៅវេទិកាផ្ទាល់បានចំនួន១៩សំណូមពរ ដោយឡែក ដោយឡែក២៤សំណូមពរ ទៀត បានជូនដល់ក្រុមការងាររដ្ឋបាលខេត្តដើម្បីធ្វើការដោះស្រាយជាបន្តបន្ទាប់៕
