ស្នងការដ្ឋាននគរបាលខេត្តបន្ទាយមានជ័យប្រគល់ថវិកាសមាគមមិត្តនគរបាលជាតិកម្ពុជា ចំនួន១២លានរៀលជូនដល់គ្រួសារសពចំនួន ២នាក់
ភ្នំពេញ៖ នៅស្នងការដ្ឋាននគរបាលខេត្តបន្ទាយមានជ័យ ថ្ងៃទី២៣ ខែវិច្ឆិកា ឆ្នាំ២០២៣ បានរៀបចំពិធីប្រគល់ថវិការបស់សមាគមមិត្តនគរបាលជាតិកម្ពុជាចំនួន១២លានរៀលជូនដល់ លោកស្រី សេង ឡាម គ្រួសារសពលោក អនុសេនីយ៍ទោ ឡាំ ឈឿង(និវត្តជន)ទឹកប្រាក់ចំនួន៦.០០០.០០០រៀលនិងលោកស្រី ស្រិល វ៉ាន់ គ្រួសារសពលោកអនុសេនីយ៍ត្រី ឌី សុផល (និវត្តជន)ទឹកប្រាក់ចំនួន៦.០០០.០០០រៀល ក្រោមអធិបតីភាពលោកឧត្តមសេនីយ៍ត្រី វង្ស វិត ស្នងការរងផែនការងារធនធានមនុស្ស តំណាងលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត និងជាប្រធានគណៈ កម្មាធិការមូលដ្ឋានសមាគមមិត្តនគរជាតិកម្ពុជា ។
ថ្លែងនាឱកាសនោះ លោកឧត្តមសេនីយ៍ត្រី វង្ស វិត ស្នងការរងផែនការងារធនធានមនុស្ស តំណាងឲ្យលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត និងជាប្រធានគណៈកម្មាធិការមូលដ្ឋានសមាគមមិត្តនគរជាតិកម្ពុជា សំដែងនូវការចូលរួមមរណទុក្ខដ៏ក្រៀមក្រំនេះជាមួយក្រុមគ្រួសារសពដែលបានបាត់បង់ស្វាមី ឪពុក ជីតា ជាទីគោរពស្រឡាញ់ដ៏ជ្រាលជ្រៅនិងធ្លាប់បានផ្តល់នូវព្រហ្មវិហារធម៌ចំពោះក្រុមគ្រួសារនាគ្រាកន្លងមក ។
លោកឧត្តមសេនីយ៍ ស្នងការរង បានបញ្ជាក់ថា៖ ថវិកាដែលបានផ្តល់ជូននាពេលនេះ គឺជាថវិការបស់សមាគម មិត្តនគរបាលជាតិកម្ពុជា ដែលត្រូវបានផ្តួចផ្តើមបង្កើតឡើងដោយឯកឧត្តម នាយឧត្តមសេនីយ៍ អគ្គស្នងការនគរបាលជាតិ ក្នុងគោលបំណងជួយរំលែកទុក្ខលំបាកឲ្យគ្នាទៅវិញទៅមកពេលដែលសមាជិក សមាជិការបស់សមាគមមិត្តនគរបាលជាតិមានធុរៈក្នុងគ្រួសារចាប់ពីថ្នាក់ដល់ថ្នាក់ក្រោម ក្នុងនោះសមាជិកឬសមាជិការបស់សមាគមមិត្តនគរបាលជាតិទទួលមរណភាពម្នាក់ទទួលបានថវិកាចំនួន៦.០០០.០០០រៀល បើស្វាមីឬភរិយារបស់សមាជិកទទួលមរណភាព ទទួលបានថវិកាចំនួន២.០០០.០០០រៀលផងដែរ ៕
