ឯកឧត្តមបណ្ឌិត ជ្រុន ថេរ៉ាវ៉ាត អញ្ជើញជួបសំណេះសំណាលជាមួយថ្នាក់ដឹកនាំ និងមន្រ្តីរាជការនៃមន្ទីរអភិវឌ្ឍន៍ជនបទខេត្តកំពង់ចាម
ភ្នំពេញ៖ នៅរសៀលថ្ងៃពុធ ១០ កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២២ ខែវិច្ឆិកា ឆ្នាំ២០២៣ ឯកឧត្តមបណ្ឌិត ជ្រុន ថេរ៉ាវ៉ាត រដ្ឋលេខាធិការក្រសួងអភិវឌ្ឍន៍ជនបទ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញជួបសំណេះសំណាលជាមួយថ្នាក់ដឹកនាំ និងមន្រ្តីរាជការនៃមន្ទីរអភិវឌ្ឍន៍ជនបទខេត្តកំពង់ចាម សរុបចំនួន៤២ រូប។
នៅក្នុងពិធីសំណេះសំណាលនេះ ឯកឧត្តមបានធ្វើការផ្តាំផ្ញើ និងផ្តល់នូវអនុសាសន៍មួយចំនួនដូចខាងក្រោម៖
១.បានពាំនាំនូវសេចក្តីនឹករលឹក និងការយកចិត្តទុកដាក់របស់ឯកឧត្តមរដ្ឋមន្រ្តី ជូនចំពោះថ្នាក់ដឹកនាំ និងមន្រ្តីរាជការនៃមន្ទីរអភិវឌ្ឍន៍ជនបទខេត្តកំពង់ចាម។
២.គោលនយោបាយយុទ្ធសាស្រ្តបញ្ចកោណ ដំណាក់កាលទី១ របស់រាជរដ្ឋាភិបាល នីតិកាលទី៧ ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្រ្តី។
៣.ការអនុវត្តកម្មវិធីអាទិភាពទាំង៤ របស់ក្រសួងអភិវឌ្ឍន៍ជនបទ ក្រោមការដឹកនាំរបស់ឯកឧត្តមរដ្ឋមន្រ្តី។
៤.ការពង្រឹងគុណភាពនៃការកសាងហេដ្ឋារចនាសម្ព័ន្ធរូបវន្ត និងគមនាគមន៍ ដែលជាបំណងប្រាថ្នាដ៏ពិសិដ្ឋរបស់សម្តេចធិបតី និងឯកឧត្តមរដ្ឋមន្រ្តី។
៥.ការបណ្តុះបណ្តាលធនធានមនុស្ស ការបង្កើនប្រសិទ្ធភាពនៃការផ្តល់សេវា និងការពង្រឹងប្រសិទ្ធិភាពស្ថាប័ន។
៦.ការបង្កើនការផ្សព្វផ្សាយសមិទ្ធផលដែលសម្រេចបានកន្លងមក អោយបានទូលំទូលាយ តាមគ្រប់រូបភាព និងគ្រប់មធ្យោបាយ។
៧.ការពង្រឹងសាមគ្គីភាព និងឯកភាពផ្ទៃក្នុងអង្គភាព អោយបានរឹងមាំ។
អង្គប្រជុំបានបញ្ចប់ប្រកបដោយបរិយាកាសរីករាយ ស្និទ្ធស្នាល និងទទួលខុសត្រូវខ្ពស់ ៕
