ប្រទេសចិនរាយការណ៍ថា មិនមានមេរោគមិនធម្មតា ឬមេរោគថ្មី នាំឲ្យកើតជំងឺផ្លូវដង្ហើមនិងរីករាលដាលនោះទេ
ប៉េកាំង៖ អង្គការសុខភាពពិភពលោកបានឲ្យដឹងកាលពីថ្ងៃព្រហស្បតិ៍ ទី២៣ ខែវិច្ឆិកា ថា ប្រទេសចិនបានរាយការណ៍ថាមិនមាន មេរោគមិនធម្មតា ឬមេរោគថ្មី ដែលនាំឲ្យកើតជំងឺផ្លូវដង្ហើម និងរីករាលដាលនៅភាគខាងជើងនៃប្រទេសនេះទេ។
អង្គការ WHO ដែលបានស្នើសុំព័ត៌មានបន្ថែមអំពីស្ថានភាពនេះបានឲ្យដឹងថា ភាគខាងជើងប្រទេសចិនបានកត់ត្រាការកើនឡើងនៃ ជំងឺដូចគ្រុនផ្តាសាយ ចាប់តាំងពីពាក់កណ្តាលខែតុលា បើប្រៀបធៀបទៅនឹងរយៈពេលដូចគ្នាក្នុងបីឆ្នាំមុន។
គណៈកម្មការសុខភាពជាតិរបស់ប្រទេសចិន បានប្រាប់អ្នកសារព័ត៌មានកាលពីសប្តាហ៍មុនថា ជំងឺផ្លូវដង្ហើមកើនឡើងគឺដោយសារតែការដកការរឹតត្បិត កូវីត-១៩ និងការចរាចរនៃមេរោគដែលគេស្គាល់ថា ជាជំងឺផ្តាសាយ និងការឆ្លងមេរោគបាក់តេរីទូទៅដែលប៉ះពាល់ដល់កុមារ រួមទាំងជំងឺរលាកសួត mycoplasma ។
អង្គការ WHO បានលើកឡើងកាលពីថ្ងៃព្រហស្បតិ៍ថា អាជ្ញាធរចិនបានឆ្លើយតបដោយផ្តល់ដំបូន្មានថា មិនទាន់មានការរកឃើញនូវមេរោគបង្ករោគដែលមិនធម្មតា ឬមេរោគថ្មី ការបង្ហាញពីគ្លីនិក ដែលនៅទីក្រុងប៉េកាំង និងទីក្រុង Liaoning។
ប្រភព៖ CNA
ប្រែសម្រួលដោយ៖ ហៃ ឆៃមុីនាង
