លោក Kim មេដឹកនាំកូរ៉េខាងជើងបញ្ជាក់ថា ការបាញ់បង្ហោះផ្កាយរណប គឺជាការអនុវត្តសិទ្ធិការពាររបស់ខ្លួន
សេអ៊ូល៖ មេដឹកនាំកូរ៉េខាងជើង លោក គីម ជុងអ៊ុន បានឲ្យដឹងថា ការបាញ់បង្ហោះផ្កាយរណបចារកម្ម នាពេលថ្មីៗនេះ របស់ប្រទេសខ្លួន គឺជាការអនុវត្តសិទ្ធិរបស់ខ្លួន ក្នុងការការពារខ្លួន ខណៈដែលទីក្រុងព្យុងយ៉ាង បានប្រារព្ធព្រឹត្តិការណ៍នេះ ដោយបង្ហាញថា វាអាចវាយប្រហារគ្រប់ទីកន្លែងក្នុងពិភពលោក។
កូរ៉េខាងជើងបានបញ្ជាក់នៅថ្ងៃអង្គារទី ២១ ខែវិច្ឆិកាថា ខ្លួនបានដាក់ផ្កាយរណបចារកម្មដំបូងរបស់ខ្លួននៅក្នុងគន្លងតារាវិថី ដោយបានធ្វើការថ្កោលទោសអន្តរជាតិចំពោះការរំលោភលើដំណោះស្រាយរបស់អង្គការសហប្រជាជាតិ ដែលរារាំងការប្រើប្រាស់បច្ចេកវិទ្យារបស់ខ្លួនដែលអនុវត្តចំពោះកម្មវិធីមីស៊ីលផ្លោង។
ទីភ្នាក់ងារសារព័ត៌មាន KCNA បានរាយការណ៍ថា លោក Kim បានទៅទស្សនារដ្ឋបាលបច្ចេកវិទ្យាអវកាសជាតិ ដើម្បីអបអរសាទរអ្នកវិទ្យាសាស្ត្រ និងអ្នកបច្ចេកទេសអវកាស ហើយបានលើកឡើងថា ការបាញ់បង្ហោះកាលពីថ្ងៃអង្គារគឺជា ព្រឹត្តិការណ៍បើកភ្នែក នៅចំពោះមុខចលនា គ្រោះថ្នាក់ និងឈ្លានពាន នៃកងកម្លាំង។
KCNA បានបញ្ជាក់ថា ការកាន់កាប់ផ្កាយរណបឈ្លបយកការណ៍ គឺជាការអនុវត្តពេញលេញនៃសិទ្ធិការពារខ្លួន ដែលកងកម្លាំងប្រដាប់អាវុធកូរ៉េខាងជើង មិនអាចទទួលយកសូម្បីតែបន្តិច ឬបញ្ឈប់សូម្បីតែមួយភ្លែត។ សាធារណរដ្ឋប្រជាធិបតេយ្យប្រជាមានិតកូរ៉េ។
ប្រភព៖ CNA
ប្រែសម្រួលដោយ៖ ហៃ ឆៃមុីនាង
