នាយឧត្តមសេនីយ៍ មាស វិរិទ្ធ៖ សហគមន៍សុខសាន្ត គ្មានក្មេងទំនេីង គ្មានបងតូចបងធំ គ្មានការជួញដូរ និងប្រេីប្រាស់សារធាតុញៀន
ភ្នំពេញ៖ ឯកឧត្តម នាយឧត្តមសេនីយ៍ មាស វិរិទ្ធ អគ្គលេខាធិការអាជ្ញាធរជាតិប្រយុទ្ធប្រឆាំងគ្រឿងញៀនថ្លែងបែបនេះក្នុងកិច្ចសម្ភាសន៍ផ្សាយផ្ទាល់ជាមួយទូរទស្សន៍ជាតិកម្ពុជាក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ឆ្នាំ២០២៣ ពីការរៀបចំការងារសំខាន់ៗ ក្នុងការការពារទប់ស្កាត់ការប្រើប្រាស់គ្រឿងញៀន ការលំបាក និងប្រឈមបំផុត នៅក្នុងការងារទប់ស្កាត់ការប្រើប្រាស់គ្រឿងញៀន នៅក្នុងព្រឹត្តិការណ៍ ធំៗ ការផ្តល់ភាពងាយស្រួលដល់ប្រជាពលរដ្ឋនៅពេលដែលលោកជួបបញ្ហាជាយថាហេតុណាមួយ ពាក់ព័ន្ធនឹងបញ្ហាគ្រឿងញៀន នៅក្នុងពេលមកចូលរួមសប្បាយ ក្នុងព្រះរាជពិធីបុណ្យអុំទូកនេះ ដើម្បីសុំអន្តរាគមន៍ពីមន្ត្រីជំនាញឲ្យបានទាន់ពេលវេលា។
ក្នុងឱកាសនោះ ឯកឧត្តម នាយឧត្តមសេនីយ៍ មាស វិរិទ្ធ បានមានប្រសាសន៍ថា សហគមន៍សុខសាន្ត គ្មានក្មេងទំនេីង គ្មានបងតូចបងធំ គ្មានការជួញដូរ និងប្រេីប្រាស់សារធាតុញៀន គោលបំណងបំផុសលើកទឹកចិត្តឲ្យប្រជាពលរដ្ឋចូលរួមជាមួយអាជ្ញាធរមានសមត្ថកិច្ចឲ្យប្រើប្រាស់កម្លាំងសរុបមធ្យោបាយសរុប វិធានការសរុប ដើម្បីផលប្រយោជន៍រួមគឺសហគមន៍គ្មានគ្រឿងញៀនដោយឈរលើទិសស្លោកបីកុំ មួយរាយការណ៍ ហ៊ានរាយការណ៍ជូនអាជ្ញាធរមានសមត្ថកិច្ចពេលឃើញមានបទល្មើសនៅក្បែរមូលដ្ឋានរបស់ខ្លួន តាមប្រព័ន្ធទូរស័ព្ទ Hotline លេខ១២៣៣ ដែលក្រសួងប្រៃសណីយ៍ និងទូរគមនាគមន៍ផ្តល់ជូនឯកឧត្តមសន្តិបណ្ឌិត នេត សាវឿន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ប្រើប្រាស់ដោយរក្សាការសម្ងាត់ជូនរាល់អ្នកផ្តល់រាយការណ៍ផ្តល់ព័ត៌មាន ៕
