សម្តេចធិបតី ហ៊ុន ម៉ាណែត៖ រាជរដ្ឋាភិបាលដឹកនាំដោយគណបក្សប្រជាជនកម្ពុជា ដើរយឺត ប៉ុន្ដែដើរដោយមានផែនការច្បាស់លាស់
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា រាជរដ្ឋាភិបាលកម្ពុជា ដឹកនាំដោយគណបក្សប្រជាជនកម្ពុជា ដើរយឺត ប៉ុន្ដែដើរដោយមានផែនការច្បាស់លាស់ ដូច្នេះការដាក់ចេញផែនការអភិវឌ្ឍខេត្តជាប់សមុទ្រទាំង ៤ របស់កម្ពុជាក៏ត្រូវអនុវត្តដូចគ្នានេះដែរ។
ក្នុងឱកាសអញ្ជើញបិទពិធីបុណ្យសមុទ្រលើកទី១០ ជុំទី៣ ឆ្នាំ២០២៣ ក្រោមប្រធានបទ “ទាំងអស់គ្នាដើម្បីទេសចរណ៍” នៅខេត្តកែប នាល្ងាចថ្ងៃទី៣ ខែធ្នូ ឆ្នាំ២០២៣ សម្តេចធិបតី បានឲ្យដឹងថាខេត្ត ទាំង៤ផ្គុំគ្នាគឺវាធំ ខេត្តខ្លះមានសក្ដានុពលធ្វើជាកំពង់ផែ ខេត្តខ្លះមានសក្ដានុពលឆ្នេរខ្សាច់ និងសក្ដានុពលធម្មជាតិ ។
សម្តេចធិបតីបន្តថាយើងរៀបចំផែនការមេ នេះគឺដើម្បីធានាយ៉ាងណាការអភិវឌ្ឍមានផែនការច្បាស់លាស់ធានាកុំឲ្យខេត្តទាំង៤ជាខេត្តប្រកួតប្រជែងគ្នា តែត្រូវជាខេត្តគាំទ្រគ្នាទៅវិញទៅមក៕
