ឯកឧត្តម សុខ លូ អញ្ជើញសួរសុខទុក្ខ និងនាំយកគ្រាប់ពូជស្រូវបម្រុងរបស់សម្ដេចធិបតី ចែកជូនពលរដ្ឋក្រីក្រ ដែលរងផលប៉ះពាល់ដោយគ្រោះរាំងស្ងួត និងគ្រោះទឹកជំនន់ ក្នុងភូមិសាស្រ្ដស្រុកឯកភ្នំ

ភ្នំពេញ៖ នៅព្រឹកថ្ងៃទី៤ ខែធ្នូ ឆ្នាំ២០២៣ ឯកឧត្តម សុទ្ធ គីមកុលមុនី ទីប្រឹក្សាគណៈកម្មាធិការជតិគ្រប់គ្រងគ្រោះមហន្តរាយតំណាង ឯកឧត្តមនាយឧត្តមសេនីយ៍កិត្តិសង្គហបណ្ឌិត គន់ គីម ទេសរដ្ឋមន្រ្ដី ទទួលបន្ទុបេសកកម្មពិសេស និងជាអនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ និង ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង និងជាប្រធានគណៈកម្មាធិការគ្រប់គ្រងគ្រោះមហន្ដរាយខេត្តបាត់ដំបង អញ្ជើញសំណេះសំណាលសួរសុខទុក្ខ និងនាំយកគ្រាប់ពូជស្រូវបម្រុងរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដី នៃព្រះរាជាណាចក្រកម្ពុជា ចែកជូនប្រជាពលរដ្ឋក្រីក្រ ដែលរងផលប៉ះពាល់ដោយគ្រោះរាំងស្ងួត និងគ្រោះទឹកជំនន់ ក្នុងភូមិសាស្រ្ដស្រុកឯកភ្នំ ខេត្តបាត់ដំបង ចំនួន ២៦៨គ្រួសារ ដែលមកពីឃុំ៣ គឺ ឃុំព្រែកនរិន្ទ ចំនួន៩០គ្រួសារ ,ឃុំសំរោងក្នុងចំនួន ៧គ្រួសារ ,ឃុំព្រែកខ្ពបចំនួន ១៧១គ្រួសារ ៕