ឧត្តមសេនីយ៍ទោ សិទ្ធិ ឡោះ ដឹកនាំកិច្ចប្រជុំចាំបាច់ដាក់ផែនការដល់ ការងារជំនាញសន្តិសុខនិងព្រហ្មទណ្ឌ
ភ្នំពេញ៖ នៅថ្ងៃទី០៥ ខែ ធ្នូ ឆ្នាំ២០២៣នេះ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានអញ្ជើញដឹកនាំកិច្ចប្រជុំដាក់ផែនការដល់ការងារជំនាញ សន្តិសុខនិងព្រហ្មទណ្ឌ នៅស្នងការដ្ឋាននគរបាលខេត្តបន្ទាយមានជ័យ ដើម្បីត្រៀម បង្ការ ទប់ស្កាត់ និងរក្សាសុខសន្តិសុខ ក្នុងភូមិសាស្ត្រខេត្តនាថ្ងៃ៧មករាឆ្នាំ២០២៤ជិតឈានចូលមក ។
ពិធីនេះមានការអញ្ជើញចូលរួមពី លោកឧត្តមសេនីយ៍ត្រី វរសេនីយ៍ ស្នងការរង លោក លោកស្រី វរសេនីយ៍ នាយ នាយរង ការិយាល័យជំនាញ និងមន្រ្តី ផែនការងារសន្តិសុខ ផែនារងារនគរបាលព្រហ្មទណ្ឌ លោកអធិការ អធិការរង ទទួលការងារសន្តិសុខ និងព្រហ្មទណ្ឌ ក្រុង-ស្រុកទាំង៩ លោកមេបញ្ជាការវរ:នគរបាលការពារព្រំដែនគោកទាំង៤ ។
ថ្លែងនាឱកាសនោះ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត បានលើឡើងថា៖ការប្រជុំថ្ងៃនេះគឺ១/-ដើម្បីត្រៀមដោះស្រាយរាល់សភាពការណ៍ការងារសន្តិសុខ សុវត្ថិភាពមុនថ្ងៃ៧មករា ឆ្នាំ២០២៤ ជិតឈានមកដល់នេះ ។២/-ារគ្រប់គ្រងសន្តិសុខ ព្រហ្មទណ្ឌក្នុងការបង្ការទប់ស្កាត់រាល់បទល្មើសព្រហ្មទណ្ឌទាំងអស់ ពិសេសបទដែលបង្កនូវភាពចលាចលដែលនាំឲ្យបាត់បង់សណ្តាបធ្នាប់ខេត្ត ដូចជាសកម្មភាពក្មេងទំនើងដែលកំពុងតែមានការចាប់អារម្មណ៍ពីតាមបណ្តាខេត្តក៏ដូចជាប្រព័ន្ធសង្គម ។៣/-ការងារកសាងនិងគ្រប់គ្រងកម្លាំង និងវិន័យ ជំនាញវិជ្ជាជីវៈនិងកាបណ្តុះបណ្តាលបំពាក់បំប៉នគោលជំហរស្មារតី សតិអារម្មណ៍ និងមួយវិញទៀតការសាងអង្គភាព ។
លោកឧត្តមសេនីយ៍ទោ ស្នងការបានបញ្ជាក់ថា៖ក្នុងការណែនាំរបស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងការចង្អុលដឹកនាំដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកបានដាក់ចេញនូវបទបញ្ជាយ៉ាងម៉ឺងម៉ាត់ ដោយត្រូវធានាឲ្យបាននូវាររៀបចំសន្តិសុខសណ្តាប់ធ្នាប់ សុវត្ថិភាព ក្នុងភូមិសាស្ត្រខេត្តរៀងៗខ្លួនជូនប្រជាពលរដ្ឋរួមទាំងអ្នកវិនិយោគគិនគ្រប់រូមដែលបានមកធ្វើអាជីវកម្មខេត្តក៏ដូចការពារសន្តិសុខជូនភ្ញៀងជាតិ អន្តរជាតិមកកំសាន្តក្នុងខេត្តរបស់ខ្លួន ។
លោកឧត្តមសេនីយ៍ទោ សិទ្ធិ ឡោះ បានបន្តថា៖ដើម្បីធានាឲ្យបាននូវសន្តិសុខសណ្តាប់ធ្នាប់សុវត្ថិភាព្នុងខេត្តបានល្អ សូមឲ្យលោកឧត្តមសេនីយ៍ វរសេនីយ៍ស្នងការរង ទទួលផែនការងារសន្តិសុខ និងផែនការងារនគរបាលព្រហ្មទណ្ឌ ក៏ដូចជាលោកអធិការ អធិការរង ទទួលផែនការងារសន្តិសុខ ព្រហ្មទណ្ឌ ក្រុង ស្រុក ទាំង៩និងលោកមេបញ្ជាការនគរបាលការពារព្រំដែនគោកទាំង៤ ត្រូវមានវិធានការចុះក្តាប់រាល់សភាពការណ៍ជាប្រចាំនិងស៊ើបអង្កេតស្រាវជ្រាវរកឲ្យឃើញនូវមុខសញ្ញាទាំងឡាយ ដែលតែងតែធ្វើសកម្មភាពបង្កឲ្យកើតមានអសន្តិសុខក្នុងសង្គម ដូចជាការលួចបោះលិខិតអាណាមឹកផ្សេងៗ លួចបង្កជាស្នូរសម្លេងឲ្យផ្ទុះនៅតាមទីប្រជុំជននានាឬកន្លែងទីសក្ការៈផ្សេងៗ គឺត្រូវតែបង្រ្កាបឲ្យខាងបាន ។
ជាចុងក្រោយលោកឧត្តមសេនីយ៍ទោ ស្នងការនគរបាលខត្ត បានណែនាំឲ្យកងកម្លាំងនគរបាលទាំងអស់ត្រូវមានសាមគ្គីភាពផ្ទៃក្នុងឲ្យបានស្អិតរមួត សហការឲ្យបានជិតស្និតជាមួយយអាជ្ញាធរ សមត្ថិកិច្ចពាក់ព័ន្ធ និងគោរពឲ្យបានខ្ជាប់ខ្ជួននូវវិន័យរបស់កងកម្លាំងនគរបាលជាតិលេខ០០៦ ព្រោះវិន័យគឺជាត្រីវិស័យដែលនាំឲ្យកងកម្លាំងមានសេចក្តីថ្លៃថ្នូរនិងបំពេញការងារសម្រេចបានជោគជ័យរាល់ភារិច្ចដែលថ្នាក់លើប្រគល់ជូនផងដែរ ៕
