ចិនចោទតៃវ៉ាន់ពីរបាំងពាណិជ្ជកម្មអយុត្តិធម៌មួយខែមុនការបោះឆ្នោត
ប៉េកាំង៖ ប្រទេសចិននៅថ្ងៃសុក្រ ទី១៥ ខែធ្នូ
បានឲ្យដឹងថា បន្ទាប់ពីការស៊ើបអង្កេតមួយ ខ្លួនបានកំណត់ថា តៃវ៉ាន់កំពុងបង្កើតរបាំងពាណិជ្ជកម្មអយុត្តិធម៌ ដែលជាការចោទប្រកាន់ដែលរដ្ឋាភិបាលនៅទីក្រុងតៃប៉ិហៅថា ការប៉ុនប៉ងជ្រៀតជ្រែកក្នុងការបោះឆ្នោតសំខាន់ៗនៅខែក្រោយ។
ប្រទេសចិនធ្លាប់បានលើកឡើងកាលពីខែតុលាថា ខ្លួនកំពុងបន្តការស៊ើបអង្កេតរបស់ខ្លួនដល់ថ្ងៃទី ១២ ខែមករា ដែលជាថ្ងៃមុនការបោះឆ្នោតប្រធានាធិបតី និងសភារបស់តៃវ៉ាន់ ដែលនឹងកំណត់ទំនាក់ទំនងរបស់កោះដែលទាមទារដោយចិនជាមួយទីក្រុងប៉េកាំង។
តៃវ៉ាន់តែងតែចោទក្រុងប៉េកាំងថាចង់ដាក់សម្ពាធមិនថាយោធា ឬសេដ្ឋកិច្ច ដើម្បីធានាបានលទ្ធផលអំណោយផលដល់រដ្ឋាភិបាលចិន។
ក្រសួងពាណិជ្ជកម្មចិនបានបញ្ជាក់ថា ខ្លួនបានកំណត់ថា តៃវ៉ាន់បានដាក់របាំងពាណិជ្ជកម្មដោយផ្ទុយនឹងច្បាប់របស់អង្គការពាណិជ្ជកម្មពិភពលោក ហើយថាកិច្ចព្រមព្រៀងពាណិជ្ជកម្មដែលបានចុះហត្ថលេខាក្នុងឆ្នាំ ២០១០ ជាមួយតៃវ៉ាន់បានជះឥទ្ធិពលអវិជ្ជមានដល់ក្រុមហ៊ុនចិន។
ក្រសួងឈប់ប្រកាសពីវិធានការតបតវិញហើយ។ វាក៏មិនច្បាស់ដែរថាតើការស៊ើបអង្កេតបានបញ្ចប់ឬយ៉ាងណា។
ប្រភព៖ CNA
ប្រែសម្រួលដោយ៖ ហៃ ឆៃមុីនាង
