មេបញ្ជាការតំបន់ប្រតិបត្តិការសឹករងកំពង់ធំ ផ្សព្វផ្សាយសភាពការណ៍ថ្មីៗ ជាតិ-អន្តរជាតិ និងបង្រៀនការងារអប់រំចិត្តសាស្ត្រ ជូនកងកម្លាំង
ភ្នំពេញ៖ នៅព្រឹកថ្ងៃទី១៨ ខែធ្នូ ឆ្នាំ២០២៣ បន្ទាប់ពីគោរពទង់ជាតិ នៃព្រះរាជាណាចក្រកម្ពុជារួច ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ យោធភូមិភាគទី ៤ បានអញ្ជើញជាអធិបតីភាពក្នុងពិធីផ្សព្វផ្សាយសភាពការណ៍ថ្មីៗ ការងារអប់រំចិត្តសាស្ត្រ និងបានប្រគល់ភារកិច្ចសំខាន់ៗមួយចំនួន ជូនដល់កងកម្លាំងចំណុះទីបញ្ជាការតំបន់ប្រតិបត្តិការសឹករងកំពង់ធំ នៅភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។
ឧត្តមសេនីយ៍ទោ សោម ស៊ុន បានបញ្ជាក់ជូនអំពីសភាពការណ៍អន្តរជាតិ បញ្ហាសង្គ្រាមរវាងរុស្ស៊ី និងអ៊ុយក្រែន បញ្ហាសង្គ្រាមរវាងអ៊ីស្រាអែល និងក្រុមហាម៉ាស់នៅប៉ាឡស្ទីន ព្រមទាំងសភាពការណ៍ជាតិថ្មីៗ ដែលកើតមានឡើងក្នុងព្រះរាជាណាចក្រកម្ពុជា ពិសេសដំណើរការអភិវឌ្ឍន៍រីកចម្រើនរុងរឿងថ្មីៗរបសប្រទេសជាតិ ក្រោមការដឹកនាំរបស់រាជរដ្ឋាភិបាលអាណត្តិទី៧ នៃសម្តេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងការអប់រំចិត្តសាស្ត្រ ការប្រគល់ភារកិច្ចសំខាន់ៗមួយចំនួនជូន ដល់យោធិនចំណុះបញ្ជាករដ្ខាន តំបន់ប្រតិបត្តិការសឹករងកំពង់ធំ ។
នៅក្នុងឱកាសនេះដែរឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានថ្លែងនូវការកោតសរសើរ ចំពោះថ្នាក់ដឹកនាំគ្រប់លំដាប់ថ្នាក់ មេបញ្ជាការគ្រប់បណ្ដាកងឯកភាព និងបណ្តាការិយាល័យស្ថាប័នចំណុះ ដែលបានខឹតខំប្រឹងប្រែងបំពេញភារកិច្ចដែលថ្នាក់លើបានប្រគល់ជូនទទួលបានជោគជ័យគួរជាទីមោទនៈ ហើយនៅក្នុងឱកាសនេះដែរ ឯកឧត្តមមេបញ្ជាការតំបន់ប្រតិបត្តិការសឹករងកំពង់ធំ បាន ប្រគល់ភារកិច្ចសំខាន់ៗមួយចំនួន ដែលត្រូវអនុវត្តន៍ចំពោះមុខជូនដល់កងកម្លាំងមានជាអាទិ៍ ៖
ទី១.ការប្រុងប្រៀបរៀបចំពិធីអបអរសាទរខួបទី៤៥ នៃទិវាបុណ្យជាតិ៧មករា ឲ្យមានភាពអធិកអធម ។ ទី២ ត្រៀមលក្ខណៈរចំសន្និបាតបូកសរុបលទ្ធផលប្រចាំឆ្នាំ ២០២៣ និងដាក់ចេញទិសដៅអនុវត្តន៍បន្តឆ្នាំ ២០២៤ របស់សមាគមអតីតយុទ្ធជនកម្ពុជា ខេត្តកំពង់ធំ ។ ទី៣ បន្តយកចិត្តទុកដាក់គ្រប់គ្រងកម្លាំង អនុវត្តការងារប្រឡងប្រណាំង បង្កបង្កើនផលចិញ្ចឹមសតកវលើកស្ទួយជីវភាពរស់នៅរបស់កងទ័ព កាងារកសាងអង្គភាពរឹងមាំលើគ្រប់វិស័យ ។ ទី៤ ចូលរួមសហការជាមួយកងកម្លាំងមានសមត្ថកិច្ច អាជ្ញាធរដែនដីគ្រប់លំដាប់ថ្នាក់ ក្នុងការអនុវត្តគោលនយោបាយភូមិឃុំ សង្កាត់មានសុវត្ថិភាព ដើម្បីរក្សាសន្តិសុខ សុវត្ថិភាព សណ្តាប់ធ្នាប់ នៅក្នុងមូលដ្ឋាន។ និងទី៥ បន្តសហការជាមួយក្រុមការងារបច្ចេកទេសកា៧២ របស់ខេត្តប៊ីញភឿក នៃសាធាររដ្ឋសង្គមនិយមវៀតណាមដើម្បីស្រាវជ្រាវជីករុករកអដ្ឋិធាតុកងទ័ពស្ម័គ្រចិត្តវៀតណាម ដែលបានពលីជីវិតនៅកម្ពុជា ដំណាក់កាលទី២៣ រដូវប្រាំងឆ្នាំ២០២៣ ឆ្នាំ២០២៤ ។
នាយទាហាន នាយទាហានរង និងពលទាហាន ទាំងអស់នៃបញ្ជាការដ្ឋានតំបន់ប្រិបត្តិការសឹករងកំពង់ធំ បានប្តេជ្ញាចិត្តអនុវត្តតួនាទីភារកិច្ច ដែលមេបញ្ជាការតំបន់ប្រតិបត្តិការសឹករងកំពង់ធំ បានប្រគល់ជូនឲ្យទទួលបានជោគជ័យ៕
