ឯកឧត្តម សន្តិបណ្ឌិត ម៉ៅ ច័ន្ទតារា អញ្ជើញបិទសន្និបាតបូកសរុបលទ្ធផលការងារប្រចាំឆ្នាំ២០២៣ និងលើកទិសដៅអនុវត្តការងារបន្ត របស់អគ្គនាយកដ្ឋានពន្ធនាគារ ក្រសួងមហាផ្ទៃ

ភ្នំពេញ៖ នារសៀលថ្ងៃអង្គារ ទី១៩ ខែធ្នូ ឆ្នាំ២០២៣ ឯកឧត្តម សន្តិបណ្ឌិត ម៉ៅ ច័ន្ទតារា រដ្ឋលេខាធិការប្រចាំការ តំណាងដ៏ខ្ពង់ខ្ពស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អញ្ជើញជាអធិបតីបិទសន្និបាតបូកសរុបលទ្ធផលការងារប្រចាំឆ្នាំ២០២៣ និងលើកទិសដៅអនុវត្តការងារបន្តសម្រាប់ឆ្នាំ២០២៤ របស់អគ្គនាយកដ្ឋានពន្ធនាគារ ក្រសួងមហាផ្ទៃ។

នាឱកាសបិទសន្និបាតនេះក៏មានការអញ្ជើញចូលរួមពី រដ្ឋលេខាធិការ អនុរដ្ឋលេខាធិការ អគ្គនាយក នៃអគ្គនាយកដ្ឋានពន្ធនាគារ, ប្រធានក្រុមប្រឹក្សានីតិកម្ម អគ្គនាយក នៃអគ្គនាយកដ្ឋានចំណុះក្រសួង អគ្គនាយករង, ប្រធាន អនុប្រធាន មណ្ឌលកែប្រែ និងពន្ធនាគាររាជធានី ខេត្ត, ប្រធានមណ្ឌលយុវនិតិសម្បទា, ប្រធាន អនុប្រធាននាយកដ្ឋាន និងមន្ត្រីជំនាញក្រោមចំណុះអគ្គនាយកដ្ឋានពន្ធនាគារជាច្រើនរូប។

នៅក្នុងពិធីសន្និបាតនេះក៏មានការបំពាក់ឋានន្តរស័ក្តថ្នាក់ឧត្តមអគ្គានុរក្ស ចំនួន០៤រូប និងការបំពាក់គ្រឿងឥស្សរិយយស ចំនួន០៩រូប ផងដែរ ៕