លោកជំទាវ ខៀវ សុផានី ដឹកនាំកិច្ចប្រជុំអន្តរក្រសួង ជាមួយក្រសួង-ស្ថាប័នពាក់ព័ន្ធ
ភ្នំពេញ៖ នៅថ្ងៃទី១៩ ខែធ្នូ ឆ្នាំ២០២៣ លោកជំទាវ ខៀវ សុផានី រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ បានដឹកនាំកិច្ចប្រជុំអន្តរក្រសួង ជាមួយក្រសួង-ស្ថាប័នពាក់ព័ន្ធ។
កិច្ចប្រជុំនេះផ្តោតសំខាន់លើការប្រមូលផ្តុំធាតុចូលសំខាន់ៗ និងជាយុទ្ធសាស្ត្រ សម្រាប់រៀបចំការងារដំណើរទស្សនកិច្ចការទូត និងធុរកិច្ច នៅឆ្នាំ២០២៤។
ក្នុងកិច្ចប្រជុំនេះ តំណាងក្រសួង-ស្ថាប័នពាក់ព័ន្ធបានសម្តែងនូវការគាំទ្រយ៉ាងពេញទំហឹងចំពោះគំនិតផ្តួចផ្តើមរបស់ ឯកឧត្តម សុខ ចិន្តាសោភា ឧបនាយករដ្ឋមន្រ្តី និងជារដ្ឋមន្រ្តីការបរទេស និងសហប្រតិបត្តិការអន្តរជាតិ ហើយបានប្ដេជ្ញាថានឹងចូលរួមសហការយ៉ាងជិតស្និទ្ធ ជាមួយក្រសួងការបរទេស និងសហប្រតិបត្តិការអន្តរជាតិ ដើម្បីធានានិងគាំទ្រដល់ការរៀបចំព្រឹត្តិការណ៍ដ៏សំខាន់មួយនេះឱ្យទទួលបានជោគជ័យ ៕
