ហ្វីលីពីនបានចុះហត្ថលេខាលើច្បាប់ថវិកាចំនួន ១០៣ ពាន់លានដុល្លារសម្រាប់ឆ្នាំ២០២៤
ម៉ានីល៖ ប្រធានាធិបតីហ្វីលីពីនលោក Ferdinand Marcos Jr បានចុះហត្ថលេខាលើច្បាប់នៅឆ្នាំក្រោយនូវថវិកាចំនួន ៥,៧៦៨ ពាន់ពាន់លានប៉េសូ (១០៣,៣៦ ពាន់លានដុល្លារ) ដែលលោកបាននិយាយលម្អិតអំពីផែនការប្រយុទ្ធរបស់រដ្ឋាភិបាលលោកក្នុងការប្រយុទ្ធប្រឆាំងនឹងភាពក្រីក្រ ធានាព្រំដែន និងជំរុញកំណើនសេដ្ឋកិច្ច។
លោកប្រធានាធិបតី នៅក្នុងសុន្ទរកថាមួយកាលពីថ្ងៃពុធបន្ទាប់ពីការអនុម័តថវិកាបានឲ្យដឹងថារដ្ឋាភិបាលហ្វីលីពីន បានប្តេជ្ញាចិត្ត “ការគ្រប់គ្រងសារពើពន្ធល្អ ដោយសន្យាថានឹងចំណាយថវិកាដែលខ្ពស់ជាងជិតទី១០ នៃផែនការចំណាយនៅឆ្នាំនេះប្រកបដោយប្រសិទ្ធភាព។
រដ្ឋាភិបាលមិនទាន់បានបញ្ចេញការវិភាគនៃការបែងចែកនេះនៅឡើយទេ ប៉ុន្តែរដ្ឋធម្មនុញ្ញកំណត់ថា វិស័យអប់រំទទួលបានចំណែកមួយនៃថវិកាជាតិ។
ប្រទេសហ្វីលីពីន ដែលឆ្នាំនេះបានជួបនឹងអតិផរណាកើនឡើង រំពឹងថាឆ្នាំ២០២៤ នឹងក្លាយជាឆ្នាំដ៏លំបាកមួយទៀត ដោយសារប្រទេសនេះទប់ទល់នឹងឥទ្ធិពលនៃបាតុភូតអាកាសធាតុ El Nino។
ហ្វីលីពីនបានបោះបង់ចោលជួរគោលដៅកំណើនផលិតផលក្នុងស្រុកសរុបពី ៦.៥% ទៅ ៨.០% នៅឆ្នាំក្រោយ ហើយបានបង្រួមវាមកនៅត្រឹម ៦.៥% ទៅ ៧.៥% ដើម្បីគិតគូរពីផលប៉ះពាល់នៃអាកាសធាតុខ្លាំង ដែលអាចធ្វើឱ្យផលិតកម្មកសិកម្មមានសក្តានុពលធ្លាក់ចុះ។
សម្រាប់ឆ្នាំ២០២៥ រដ្ឋាភិបាលហ្វីលីពីន បានបញ្ជាក់ថា ខ្លួននឹងស្នើសុំថវិកាចំនួន ៦.១២ ពាន់ពាន់លានប៉េសូ។
ប្រភព៖ Reuters
ប្រែសម្រួលដោយ៖ ឡាយ លីហួ
