ឯកឧត្តមបណ្ឌិត ជិន ម៉ាលីន ដឹកនាំវិបស្សនា ស្តីពីការរៀបចំឯកសារទស្សនាទានលើការសិក្សា វាយតម្លៃការផ្តល់សេវាជំនួយផ្នែកច្បាប់នៅកម្ពុជា
ភ្នំពេញ៖ នាថ្ងៃអង្គារ ១៤កើត ខែមិគសិរ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៦ ខែធ្នូ ឆ្នាំ២០២៣ ឯកឧត្តមបណ្ឌិត ជិន ម៉ាលីន រដ្ឋលេខាធិការក្រសួងយុត្តិធម៌ បានអញ្ជើញដឹកនាំវិបស្សនាស្តីពីការរៀបចំឯកសារទស្សនាទានលើការសិក្សា វាយតម្លៃការផ្តល់សេវាជំនួយផ្នែកច្បាប់នៅកម្ពុជា ដែលរៀបចំឡើងនៅខេត្តកំពត ក្រោមកិច្ចសហការរៀបចំរវាងអគ្គនាយកដ្ឋានកិច្ចការរដ្ឋប្បវេណីនៃក្រសួងយុត្តិធម លេខាធិការដ្ឋានអចិន្ត្រៃយ៍នៃគណៈកម្មាធិការដឹកនាំការកែទម្រង់ច្បាប់ និងប្រព័ន្ធយុត្តិធម៌ និងអង្គការអុកស្វាមប្រចាំកម្ពុជា។
សមាសភាពអញ្ជេីញចូលរួមក្នុងវិបស្សនានេះ រួមមាន ឯកឧត្ដម ប៉ូច សោភ័ណ អនុរដ្ឋលេខាធិការ, ឯកឧត្តម យ៉ម ផារ៉ូត ប្រតិភូរាជរដ្ឋាភិបាល ថ្នាក់ដឹកនាំ និងមន្ត្រីនៃអគ្គនាយកដ្ឋានរដ្ឋប្បវេណី និងលេខាធិការដ្ឋានអចិន្ត្រៃយ៍នៃគណៈកម្មាធិការដឹកនាំការកែទម្រង់ច្បាប់ និងប្រព័ន្ធយុត្តិធម៌។
វិបស្សនានេះ ត្រូវបានរៀបចំទ្បេីងក្នុងគោលបំណងសំខាន់ចំនួន០២ គឺ៖
១-ពិនិត្យលើការរៀបចំផែនការ និងទិសដៅការងារក្នុងការចុះសិក្សាស្រាវជ្រាវ និងវាយតម្លៃអំពីការផ្តល់សេវាជំនួយផ្នែកច្បាប់។
២-ពិនិត្យ និងពិភាក្សាលើការរៀបចំទម្រង់ និងខ្លឹមសារនៃឯកសារប្រមូលទិន្នន័យ និងកម្រងសំណួរសម្រាប់តួអង្គពាក់ព័ន្ធនឹងការផ្តល់ជំនួយផ្នែកច្បាប់ ៕
