អង្គភាពច្រកចេញចូលតែមួយខេត្តស្ទឹងត្រែង ប្ដេជ្ញាផ្ដល់សេវាជូនប្រជាពលរដ្ឋឲ្យទាន់ពេលវេលា ប្រកបដោយតម្លាភាព និងឆាប់រហ័ស

ភ្នំពេញ៖ ឯកឧត្ដម ស្វាយ សំអ៊ាង អភិបាលខេត្តស្ទឹងត្រែង បានបញ្ជាក់ថា អង្គភាពច្រកចេញចូលតែមួយរបស់ខេត្តស្ទឹងត្រែង ប្ដេជ្ញាក្នុងការផ្ដល់សេវាជូនប្រជាពលរដ្ឋទាន់ពេលវេលា ប្រកបដោយតម្លាភាព និងឆាប់រហ័ស និងផ្សព្វផ្សាយឲ្យប្រជាពលរដ្ឋយល់ច្បាស់ពីនីតិវិធីនៃការបំពេញឯកសារ និងតម្លៃសេវា ជំរុញប្រជាពលរដ្ឋមកទទួលសេវានៅអង្គភាពច្រកឲ្យបានកាន់តែច្រើនថែមទៀត។

នៅក្នុងកិច្ចសម្ភាសន៍ជាមួយអង្គភាពសារព័ត៌មាន Hotnews Asia នៅថ្ងៃទី២៨ ខែធ្នូ ឆ្នាំ២០២៣នេះ ឯកឧត្ដម ស្វាយ សំអ៊ាង អភិបាលខេត្តស្ទឹងត្រែង បានផ្ដល់ការយល់ឃើញថា ការបង្កើតឲ្យមានអង្គភាពច្រកចេញចូលតែមួយនៅក្នុងខេត្តវាជាការល្អប្រសើណាស់ពីព្រោះសេវាមួយចំនួនធំត្រូវប្រមូលផ្តុំនៅកន្លែងតែមួយ ហើយការស្នើ និងការទទួលឯកសារសម្រេចនៅកន្លែងតែមួយ ហើយកាត់បន្ថយការចំណាយថវិការ របស់របស់ជាពលរដ្ឋទៅលើសេវមួយចំនួនដែលត្រូវសុំនៅក្រសួងឲ្យមកទទួលសេវានៅខេត្តវិញ និងធ្វើឲ្យសេវាមានភាពឆាប់រហ័យ មិនស្មុកស្មាញ និងតម្លាភាព ហើយមានមន្ត្រីគ្រប់ជំនាញដើម្បីជួយពន្យល់ណែនាំនូវរាល់ការបំពេញឯកសាររបស់ប្រជាពលរដ្ឋ។

ទន្ទឹមនិងនោះដែរឯកឧត្ដមអភិបាលខេត្តបានប្ដេជ្ញា និងជំរុញដល់មន្ត្រីដែលបម្រើការនៅអង្គភាពច្រកចេញចូលតែមួយខេត្ត យកចិត្តទុកផ្តល់សេវាជូនប្រជាពលរដ្ឋ ដោយយុត្តិ សមធម៌ សុជីវធម៌ និងតម្លាភាព និងពង្រឹងសមត្ថភាពមន្រ្តីបន្ថែម និងបណ្តុះបណ្តាលជាបន្តបន្ទាប់នូវនីតិវិធីថ្មីៗទៀត។

ក្នុងនាមថ្នាក់ដឹកនាំខេត្តឯកឧត្ដម ស្វាយ សំអ៊ាង បានបេ្តជ្ញាចិត្តក្នុងការជំរុញឲ្យមន្ត្រីយកចិត្តទុកដាក់ក្នុងការផ្ដល់សេវាជូនបងប្អូនប្រជាពលរដ្ឋ និងអំពាវនាវដល់ប្រជាពលរដ្ឋឲ្យមកទទួលសេវាកម្មនៅច្រកចេញចូលតែមួយឲ្យបានច្រើនរាល់អាជីវកម្មផ្សេងៗរបស់គាត់ ស្របទៅតាមច្បាប់ដែលបានកំណត់ ដើម្បីកាត់បន្ថយការចំណាយថវិការបស់បងប្អូនប្រជាពលរដ្ឋទៅលើការផ្ដល់សេវាដែលកន្លងមកនេះគឺអាចស្នើសុំសេវាទៅថ្នាក់លើ ហើយបង្វែរឲ្យមកទទួលសេវានេះទៅថ្នាក់មូលដ្ឋានជំនួសវិញ៕