ចិនអំពាវនាវឲ្យប្រជាជនតៃវ៉ាន់លើកកម្ពស់ការបង្រួបបង្រួមដោយសន្តិវិធី
តៃប៉ិ៖ ប្រធានការិយាល័យកិច្ចការតៃវ៉ាន់របស់ចិននៅថ្ងៃអង្គារ ទី២ ខែមករា បានអំពាវនាវឱ្យប្រជាជនតៃវ៉ាន់លើកកម្ពស់ដំណើរការនៃ ការបង្រួបបង្រួមដោយសន្តិភាព ដោយលើកឡើងថា វាគឺជាបំណងប្រាថ្នាទូទៅរបស់ប្រជាជននៅលើភាគីទាំងពីរនៃច្រកសមុទ្រតៃវ៉ាន់។
សាររបស់ Song Tao ដែលកើតឡើងតិចជាងពីរសប្តាហ៍មុនពេលតៃវ៉ាន់រៀបចំការបោះឆ្នោតប្រធានាធិបតី និងសភានៅថ្ងៃទី ១៣ ខែមករា បន្ទាប់ពីការកត់សម្គាល់របស់ប្រធានាធិបតី Xi Jinping នៅក្នុងសុន្ទរកថាឆ្នាំថ្មីរបស់គាត់ថា ការបង្រួបបង្រួម របស់ចិនជាមួយតៃវ៉ាន់គឺជៀសមិនរួច។
នេះជាបំណងប្រាថ្នារួមនិងបេសកកម្មរួមរបស់ប្រជាជនទាំងសងខាងនៃច្រកសមុទ្រតៃវ៉ាន់។
លោកបានឲ្យដឹងថា ប្រជាជនតៃវ៉ាន់គួរតែ លើកកម្ពស់ទំនាក់ទំនងឆ្លងច្រកសមុទ្រ ដើម្បីត្រឡប់ទៅរកផ្លូវត្រូវនៃការអភិវឌ្ឍន៍ដោយសន្តិភាព និងជំរុញដំណើរការបង្រួបបង្រួមជាតិមាតុភូមិដោយសន្តិវិធី។
រដ្ឋាភិបាលតៃវ៉ាន់ ច្រានចោលការទាមទារអធិបតេយ្យភាពរបស់ចិន។ ទាំងគណបក្សវឌ្ឍនភាពប្រជាធិបតេយ្យដែលកំពុងកាន់អំណាច និងគណបក្សប្រឆាំងដ៏ធំបំផុត គឺបក្សគួមីនតាង បញ្ជក់ថា មានតែប្រជាជនតៃវ៉ាន់ប៉ុណ្ណោះដែលអាចសម្រេចអនាគតរបស់ពួកគេ។
ប្រទេសចិនបានផ្តល់ឲ្យតៃវ៉ាន់នូវគំរូស្វ័យភាព ប្រទេសមួយ ប្រព័ន្ធពីរ ប៉ុន្តែគ្មានភាគីតៃវ៉ាន់ណាមួយគាំទ្រគំនិតនោះទេ។
