កុំមានការយល់ច្រឡំ! មិនមានករណីដេញពលរដ្ឋចេញពីតំបន់អង្គរ ទីដែលប្រជាពលរដ្ឋចាកចេញដោយស្ម័គ្រចិត្ត ដើម្បីយកដីជួលឱ្យក្រុមហ៊ុនចិននោះទេ
ភ្នំពេញ៖ លេខាធិការដ្ឋានគណៈកម្មាធិការជាតិសម្របសម្រួលកិច្ចការព័ត៌មាននិងសាធារណមតិ (គ.ស.ព.ស) នៅរសៀលថ្ងៃអង្គារ នេះ បានច្រានចោលព័ត៌មានថា មិនមានករណីដេញពលរដ្ឋចេញពីតំបន់អង្គរទីដែលប្រជាពលរដ្ឋចាកចេញដោយស្ម័គ្រចិត្ត ដើម្បីយកដីជួលឱ្យក្រុមហ៊ុនចិនដូចអ្វីដែលផេក Cambodia Daily Khmer បានបង្ហោះនោះទេ។
មន្ត្រីអាជ្ញាធរអប្សរាបានបញ្ជាក់ថា ទីតាំងដែលប្រជាពលរដ្ឋបានស្ម័គ្រចិត្តចាកចេញនោះ កំពុងត្រូវបានគេដាំដើមឈើ និងស្មៅ ដើម្បីបង្កើនសោភ័ណភាព ដូចនេះសូមបងប្អូនប្រជាពលរដ្ឋកុំមានការយល់ច្រឡំ៕
