កម្លាំងនគរបាលខេត្តតាកែវ ឃាត់ខ្លួនជនសង្ស័យ ៤នាក់ ករណីគ្រឿងញៀន
ភ្នំពេញ៖ នៅថ្ងៃព្រហស្បតិ៍ ទី៤ ខែមករា ឆ្នាំ២០២៤ វេលាម៉ោង១៥ និង០៥នាទី ដោយមានការចង្អុលបង្ហាញពី លោក ឧត្តមសេនីយ៍ទោ ឈាង ផាន់ណារ៉ា ស្នងកានគរបាល
ខេត្តតាកែវ និងមានការសម្របសម្រួលពី ឯកឧត្តម ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ ។
បានទទួលបញ្ជាពីលោក វរសេនីយ៍ឯក ចុល ចេក ស្នងការរង ផែនការងារប្រឆាំងគ្រឿងញៀន កម្លាំងការិយាល័យប្រឆាំងគ្រឿងញៀន ដឹកនាំដោយលោក វរសេនីយ៍ទោ សុខ សង្ហា នាយការិយាល័យប្រឆាំងគ្រឿងញៀន បានចុះបង្ក្រាបទីតាំងចំនួន០១កន្លែងនៅចំណុចភូមិ ត្បែងទទឹង ឃុំតាភេម ស្រុកត្រាំកក់ ខេត្តតាកែវ ក៏បានធ្វើការឃាត់ខ្លួនជន សង្ស័យចំនួន០៤នាក់៖
១-ឈ្មោះណាក់ គ្រឹស្នា ភេទប្រុស អាយុ២២ឆ្នាំ មុខរបរ មិនពិតប្រាកដ មានទីលំនៅភូមិត្រពាំងរុន ឃុំឧត្ដមសូរិយា ស្រុកត្រាំកក់ ខេត្តតាកែវ(ប្រើប្រាស់)
២-ឈ្មោះរស់ វែង ភេទប្រុស អាយុ៣៦ឆ្នាំ មុខរបរ មិនពិតប្រាកដ មានទីលំនៅភូមិត្បែងទទឹង ឃុំតាភេម ស្រុកត្រាំកក់ ខេត្តតាកែវ(ជួញដូរ-ប្រើប្រាស់)
៣-ឈ្មោះម៉ាក ថុន ភេទប្រុស អាយុ៣១ឆ្នាំមុខរបរ កសិករ មានទីលំនៅភូមិធ្នង់រលីង ឃុំលាយបូរ ស្រុកត្រាំកក់ ខេត្តតាកែវ (ប្រើប្រាស់)
៤- ឈ្មោះអុំ ភេទប្រុសអាយុ៣១ឆ្នាំ មុខរបរ កសិករ មានទីលំនៅភូមិត្បូងទទឹង ឃុំតាភេម ស្រុកត្រាំកក់ ខេត្តតាកែវ(រក្សាទុកប្រើប្រាស់) និងដកហូតវត្ថុតាងនៅនឹងខ្លួនជនសង្ស័យបានរួមមាន ម្សៅក្រាមពណ៌សថ្លាចំនួន០២ កញ្ចប់-ទូរស័ព្ទចំនួន០៣គ្រឿងម៉ាកOPPOចំនួន០២គ្រឿង
-ម៉ាកអិនចុចពិល០១គ្រឿង-ម៉ូតូចំនួន០១គ្រឿងម៉ាកស្មាស់វី
និងឧបករណ៏ប្រើប្រាស់មួយចំនួនរួចបញ្ជូនមកកាន់ស្នងការដ្ឋាននគរបាលខេត្តតាកែវដើម្បីកសាងសំណុំរឿងតាមនីតិវិធី
ច្បាប់។
