ចិននឹងដាក់ទណ្ឌកម្មក្រុមហ៊ុនផលិតអាវុធរបស់អាមេរិកចំនួន ៥ ជុំវិញការលក់អាវុធឲ្យតៃវ៉ាន់
ប៉េកាំង៖ អ្នកនាំពាក្យក្រសួងការបរទេសចិនបាននិយាយកាលពីថ្ងៃអាទិត្យ ទី៧ ខែមករា ថា ប្រទេសចិននឹងដាក់ទណ្ឌកម្មក្រុមហ៊ុនផលិតយោធាអាមេរិកចំនួនប្រាំ ដើម្បីឆ្លើយតបទៅនឹងការលក់អាវុធចុងក្រោយបំផុតរបស់សហរដ្ឋអាមេរិកទៅឱ្យតៃវ៉ាន់។
ការលក់អាវុធរបស់សហរដ្ឋអាមេរិកទៅឲ្យតៃវ៉ាន់គឺជាប្រភពនៃភាពតានតឹងជាញឹកញាប់រវាងក្រុងវ៉ាស៊ីនតោន និងក្រុងប៉េកាំង។ ចិនចាត់ទុកតៃវ៉ាន់ជាទឹកដីគ្រប់គ្រងតាមបែបប្រជាធិបតេយ្យដែលជាការទាមទារដែលរដ្ឋាភិបាលតៃវ៉ាន់ច្រានចោល។
ការដាក់ទណ្ឌកម្មនេះកើតមានមុនការបោះឆ្នោតប្រធានាធិបតីនិងសភានៅថ្ងៃទី ១៣ ខែមករារបស់កោះតៃវ៉ាន់ ដែលចិនបានជ្រើសរើសជាជម្រើសរវាងសង្រ្គាម និងសន្តិភាព។
ក្រសួងការបរទេសសហរដ្ឋអាមេរិកកាលពីខែមុនបានអនុម័តការលក់ឧបករណ៍ចំនួន ៣០០ លានដុល្លារដើម្បីជួយរក្សាប្រព័ន្ធព័ត៌មានយុទ្ធសាស្ត្ររបស់តៃវ៉ាន់។
អ្នកនាំពាក្យបានឲ្យដឹងនៅក្នុងសេចក្តីថ្លែងការណ៍មួយថា ការលក់សព្វាវុធនាពេលថ្មីៗនេះ ធ្វើឱ្យប៉ះពាល់ដល់អធិបតេយ្យភាព និងផលប្រយោជន៍សន្តិសុខរបស់ប្រទេសចិនយ៉ាងធ្ងន់ធ្ងរ ធ្វើឱ្យប៉ះពាល់ដល់សន្តិភាព និងស្ថិរភាពនៅច្រកសមុទ្រតៃវ៉ាន់យ៉ាងធ្ងន់ធ្ងរ។
ក្រុមហ៊ុនដែលនឹងត្រូវដាក់ទណ្ឌកម្មគឺ BAE Systems Land and Armaments, Alliant Techsystems Operations, AeroVironment, Viasat និង Data Link Solutions ។
អ្នកនាំពាក្យរូបនេះបានលើកឡើងថា ប្រទេសចិននឹងបង្កកទ្រព្យសម្បត្តិរបស់ក្រុមហ៊ុនទាំងនេះ និងហាមប្រាមមនុស្ស ឬអង្គការនានាក្នុងប្រទេសចិនមិនឱ្យចូលរួមជាមួយពួកគេ។
ប្រភព៖ CNA
ប្រែសម្រួលដោយ៖ ហៃ ឆៃមុីនាង
