ប្តី​ប្រពន្ធ​នៅ​ថៃ​ត្រូវ​ចោទ​ប្រកាន់​ពី​បទ​លាក់​សព​ក្មេង​ប្រុស​អាយុ​២​ឆ្នាំ​ក្នុង​ទូរទឹកកក​

ថៃ៖ គូស្នេហ៍មួយគូនៅក្នុងប្រទេសថៃ ត្រូវបានចោទប្រកាន់ពីបទលាក់សាកសពទារកដែលទើបចេះដើរតេះតះនៅក្នុងទូទឹកកក។

កាសែតបាំងកកប៉ុស្តិ៍បានរាយការណ៍ថា សាកសពក្មេងប្រុសអាយុ ២ ឆ្នាំម្នាក់ត្រូវបានគេរកឃើញកាលពីថ្ងៃសៅរ៍នៅក្នុងទូរទឹកកកនៅផ្ទះមួយក្នុងសង្កាត់ Bang Bua Thong នៃខេត្ត Nonthaburi ។

Harnnarong Praiphanom អាយុ ៣១ ឆ្នាំ និងប្រពន្ធរបស់គាត់ឈ្មោះ Marisa Thong-iam អាយុ ២៥ ឆ្នាំត្រូវបានចោទប្រកាន់ថាមិនបានរាយការណ៍ពីការស្លាប់របស់ទារកទើបចេះដើរតេះតះទៅប៉ូលីសនិងលាក់សាកសព។ លោក ហាន់ ណារ៉ុង ក៏​ត្រូវ​បាន​ចោទ​ប្រកាន់​ពី​បទ​ល្មើស​គ្រឿង​ញៀនផងដែរ។

ប្រព័ន្ធ​ផ្សព្វផ្សាយ​ថៃ​បាន​រាយការណ៍​ថា លោក ហាន់ ណារ៉ុង ជា​មិត្ត​ភក្តិ​របស់​ឪពុក​ក្មេង​នេះ។ លោក Preut Chamroonsart នាយប៉ុស្តិ៍នគរបាល Bang Bua Thong បានប្រាប់អ្នកសារព័ត៌មានថា ប៉ូលីសនឹងសាកសួរឪពុកម្តាយបង្កើតរបស់ក្មេងប្រុសនេះ។

មន្ត្រីប៉ូលីស អ្នកជំនាញផ្នែកកោសល្យវិច្ច័យ និងក្រុមគ្រូពេទ្យត្រូវបានហៅទៅកាន់លំនៅដ្ឋានមួយនៅផ្លូវរតនៈបត្រកាលពីថ្ងៃសៅរ៍។

យោងតាមរបាយការណ៍ពី Thai PBS World អាជ្ញាធរបានទៅផ្ទះបន្ទាប់ពីម្តាយរបស់ Harnnarong បានត្អូញត្អែរពីក្លិនស្អុយដែលហុយចេញពីផ្ទះ ហើយថាកុមារបានបាត់ខ្លួនតាំងពីថ្ងៃទី ២ ខែមករា។

កាសែតបាំងកកប៉ុស្តិ៍បានរាយការណ៍ថា ក្រុមមន្ត្រីបានរកឃើញសាកសពរបស់ក្មេងទើបចេះដើរតេះតះរុំក្នុងភួយ ហើយដាក់ក្នុងទូទឹកកក។

លទ្ធផល​នៃ​ការ​ធ្វើ​កោសល្យ​វិច័យ​កាល​ពី​ថ្ងៃ​អាទិត្យ​បាន​បញ្ជាក់​ថា ក្មេង​ប្រុស​បាន​ឆក់​ស្លាប់​លើ​បាយ​ដំណើប។ សាកសពក្មេងប្រុសនេះត្រូវបានបូជានៅថ្ងៃចន្ទ។

ប្រភព៖ CNA

ប្រែសម្រួលដោយ៖ ហៃ ឆៃមុីនាង