សម្តេចមហាបវរធិបតី និងលោកជំទាវ ឧបត្ថម្ភគ្រឿងឧបភោគបរិភោគ ជូនដល់បណ្តាអង្គភាពចំណុះ កងពលតូចអន្តរាគមន៍លេខ១២៨

ភ្នំពេញ៖ លោកវរសេនីយ៍ឯក ធីវ ម៉ុល មេបញ្ជាការរងកងពល តំណាង លោកឧត្តមសេនីយ៍ទោ មៀច សាមុត មេបញ្ជាការកងពលតូចអន្តរាគមន៍លេខ១២៨ នៅថ្ងៃទី១២ ខែមករា ឆ្នាំ២០២៤ បានអញ្ជើញជាធិបតីក្នុងពិធីប្រគល់សំភារៈ ជាអំណោយដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត និងលោកជំទាវ បណ្ឌិត ពេជ ចន្ទមុន្នី ជូនដល់បណ្តាអង្គភាពចំណុះកងពល នៅទីបញ្ជាការកងពលតូចអន្តរាគមន៍លេខ១២៨ យោធភូមិភាគទី១ ។

តាងនាមមេបញ្ជាការ មេបញ្ជាការង នាយទាហាន នាយទាហានរង ពលទាហាន កងពលតូចអន្តរាគមន៍លេខ១២៨ សូមគោរព ថ្លែងអំណរគុណ យ៉ាងជ្រាលជ្រៅ ដល់ សម្តេចធិបតី និងលោកជំទាវ ដែលបានផ្តល់ជូន រួមមាន ៖ ថវិកា អង្ករ ត្រីខកំប៉ុង គ្រឿងឧបភោគបរិភោគ និងប្រេងឥន្ធនៈ ដល់បណ្តាអង្គភាពចំណុះកងពលតូចអន្តរាគមន៍លេខ១២៨ យោធភូមិភាគទី១ ដែលត្រៀមចេញបេសកកម្មតាមផែនការ ។

សូមគោរពជូនពរ សម្តេចធិបតី និងលោកជំទាវ ព្រមទាំង បុត្រាបុត្រី ជាទីស្រលាញ់ មានសុខភាពល្អបរិបូណ៍កំលាំងមាំមួន ប្រាជ្ញាជ្រះថ្លាវៀងវៃ ដឹកនាំនាវាកម្ពុជា ឆ្ពោះដល់ត្រើយសុភមង្គល សំបូរុងរឿង រើកចំរើនជាបន្តបន្ទាប់ និងជួបនូវពុទ្ធពរទាំង ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕