ឧត្តមសេនីយ៍ទោ សេង ធារិន អញ្ជើញសំណេះសំណាល ជាមួយកងកម្លាំងកងពលតូចថ្មើរជើងលេខ៥១ លេខ៥៣ ដើម្បីចូលរួមមិទ្ទិញរំឭកខួបលើកទី២៥ឆ្នាំ ថ្ងៃបង្កើតបញ្ជាការដ្ឋានកងទ័ពជើងគោក
ភ្នំពេញ៖ ឧត្តមសេនីយ៍ទោ សេង ធារិន មេបញ្ជការរង នាយសេនាធិការ យោធភូមិភាគទី៥ នាថ្ងៃទី១៣ ខែមករា ឆ្នាំ២០២៤ បានអញ្ជើញសំណេះសំណាល ជាមួយកងកម្លាំងរបស់កងពលតូចថ្មើរជើង លេខ៥១ និងលេខ៥៣ យោធភូមិភាគទី៥ ដែលទៅចូលរួមក្នុងពិធីមិទ្ទិញរំឭកខួបលើកទី២៥ឆ្នាំ ថ្ងៃបង្កើតបញ្ជាការដ្ឋានកងទ័ពជើងគោក (២៤ មករា ១៩៩៩-២៤ មករា ២០២៤) នៅបញ្ជាការដ្ឋានកងទ័ពជើងគោក។
កម្ពុជាទទួលបាននូវសុខសន្តិភាព ពេញលេញនៅទូទាំងប្រទេស ការកែសម្រួលតួនាទី ភារកិច្ច និង រចនាសម្ព័ន្ធចាត់តាំងកងទ័ព ស្របតាមផែនការកែទំរង់ របស់កងយោធពលខេមរភូមិន្ទ នាពេលនោះ បញ្ជាការដ្ឋាន កងទ័ពជើងគោក នៃកងយោធពលខេមរភូមិន្ទ ត្រូវបានបង្កើតឡើងដោយត្រូវបានផ្តាច់ចេញពី អគ្គសេនាធិការ នៅថ្ងៃទី២៤ ខែមករា ឆ្នាំ១៩៩៩ ហើយកងទ័ពជើងគោក បានកំណត់យក ថ្ងៃទី២៤ ខែមករា ជារៀងរាល់ឆ្នាំ ជាថ្ងៃកំណើតរបស់ខ្លួន ចាប់ពីពេលនោះមក ថ្ងៃទី២៤ ខែមករា ឆ្នាំ២០២៤នេះ បញ្ជាការដ្ឋានកងទ័ពជើងគោក មានអាយុកាល គម្រប់ ២៥ឆ្នាំហើយ។
ក្នុងឱកាសនោះផងដែរ ឧត្តមសេនីយ៍ទោ សេង ធារិន ក៏បានជូនពរដល់កងកម្លាំងកងពលតូចថ្មើរជើងលេខ៥១ និង៥៣ យោធភូមិភាគទី៥ទាំងអស់ សូមធ្វើដំណើរប្រកបដោយសុខសុវត្ថិភាព និងទទួលបានលទ្ធផលល្អតាមការរំពឹងទុក៕
