ឯកឧត្តម នៃ និយម ដឹកនាំកិច្ចប្រជុំផ្សព្វផ្សាយសេចក្ដីសម្រេចចិត្ត នៃមហាសន្និបាតវិសាមញ្ញតំណាងទូទាំងប្រទេសរបស់គណបក្សប្រជាជនកម្ពុជា
ភ្នំពេញ៖ ឯកឧត្តម នៃ និយម សមាជិកគណៈអចិន្ត្រៃយ៍គណបក្សខេត្តកណ្តាល និងជាអនុប្រធាន ទី២ ក្រុមការងារគណបក្សចុះមូលដ្ឋានសង្កាត់តាខ្មៅ នៅថ្ងៃទី១៣ ខែមករា ឆ្នាំ២០២៤ បានអញ្ជើញជាអធិបតីភាព ក្នុងពិធីសំណេះសំណាល បើកកិច្ចប្រជុំផ្សព្វផ្សាយលទ្ធផលមហាសន្និបាតវិសាមញ តំណាងទូទាំងប្រទេសរបស់គណបក្សប្រជាជនកម្ពុជា និងដោយមានការចូលរួមពី ឯកឧត្តម លោកជំទាវ លោក លោកស្រី ក្រុមការងារគណបក្សចុះមូលដ្ឋានសង្កាត់តាខ្មៅ លោក-លោកស្រី សមាជិកគណៈកម្មាធិការគណបក្សសង្កាត់តាខ្មៅ និងលោក លោកស្រី ប្រធាន អនុប្រធាន សមាជិក សាខាបក្សភូមិទាំង១១ និង ប្រធានក្រុមបក្ស១ភូមិ ៥ សរុបចំនួន ១៤៦នាក់។
បន្ទាប់ពីអាននូវផ្សព្វផ្សាយរបាយការណ៍របស់គណៈកម្មាធិការកណ្តាលស្តីពីសភាពការណ៍ទូទៅ និងការងារគណបក្សឆ្នាំ ២០២៣ និង ទិសដៅភារកិច្ច ឆ្នាំ២០២៤ ដោយលោក ជៀម ខូយ ប្រធានគណបក្សសង្កាត់តាខ្មៅ រួចមក ឯកឧត្តម នៃ និយម សមាជិកគណៈអចិន្ត្រៃយ៍គណបក្សខេត្តកណ្តាល និងជាអនុប្រធាន ទី២ ក្រុមការងារគណបក្សចុះមូលដ្ឋានសង្កាត់តាខ្មៅអានសេចក្តីសម្រេចចិត្តនៃមហាសន្និបាតវិសាញ្ញតំណាងទូទាំងប្រទេសរបស់គណបក្សប្រជាជនកម្ពុជា ។
ឯកឧត្តម ក៏បានគូសបញ្ជាក់ពីការវិវត្តនៃស្ថានភាពនយោបាយនៅកម្ពុជា ក៏ដូចជាសមិទ្ធផលការងាររបស់រាជរដ្ឋាភិបាលនីតិកាលទី៧ នៃរដ្ឋសភា ដែលដឹកនាំដោយសម្តេចមហាបវរធិបតី ហ៊ុន ម៉ាណែតជានាយករដ្ឋមន្ត្រីដោយបានដាក់ចុះនូវយុទ្ធសាស្ត្របញ្ចកោណដំណាក់កាលទី១ ដើម្បី កំណើន ការងារ សមធម៌ ប្រសិទ្ធភាព និងនិរន្តរភាពហើយបានផ្តោតលើអាទិភាព ៥ គឺមនុស្ស ផ្លូវ ទឹក ភ្លើងនិងបច្ចេកវិទ្យា។
ជាមួយគ្នានេះ, ឯកឧត្តម បានជំរុញសមាជិកសមាជិកាក្រុមការងារបង្កើនកិច្ចខិតខំប្រឹងប្រែងក្តាប់ឱ្យជាប់នៅបញ្ហានានានៅក្នុងមូលដ្ឋាន និងខិតខំឆ្លើយតបនឹងសេវាតម្រូវការនិងសេវាសំណូមពរនានារបស់ប្រជាពលរដ្ឋដើម្បីឆ្លើយតបនឹងជំនឿទុកចិត្តដែលប្រជាពលរដ្ឋបានផ្តល់ជូនគណបក្សប្រជាជនកម្ពុជាតាមរយៈសន្លឹកឆ្នោតរបស់ខ្លួនបោះជូនគណបក្សប្រជាជនកម្ពុជា។
ឯកឧត្តម ក៏បានគូសបញ្ជាក់ពីការចូលរួមពង្រឹងនូវឃឿនការពារជាតិ មាតុភូមិ និងជំរុញអោយសមាជិកសមាជិកា បន្តយកចិត្តទុកអនុវត្តន៍អោយបាននូវលក្ខណៈសម្បត្តិ ភូមិ ឃុំ សង្កាត់ មានសុវត្តិភាព ទាំង៧ចំណុច ដែលដាក់ចេញដោយរាជរដ្ឋាភិបាលផងដែរ៕
