ឯកឧត្តម គង់ សោភ័ណ្ឌ ចុះពិនិត្យសកម្មភាពបូមទឹកសង្គ្រោះស្រែប្រាំង និងជួបសំណេះសំណាលសួរសុខទុក្ខបងប្អូនប្រជាកសិករ ក្នុងឃុំជ័យធំ ស្រុកខ្សាច់កណ្ដាល
ភ្នំពេញ៖ នារសៀល ថ្ងៃសៅរ៍ ទី១៣ ខែមករា ឆ្នាំ២០២៤ ឯកឧត្តម គង់ សោភ័ណ្ឌ អភិបាល នៃគណ:អភិបាលខេត្តកណ្ដាលបានអញ្ជើញជាអធិបតីភាពដ៏ខ្ពង់ខ្ពស់ក្នុងការចុះពិនិត្យសកម្មភាពបូមទឹកសង្គ្រោះស្រែប្រាំង និងជួបសំណេះសំណាលសាកសួរសុខទុក្ខដល់បងប្អូនប្រជាកសិករ ស្ថិតក្នុងឃុំជ័យធំ ស្រុកខ្សាច់កណ្ដាល ខេត្តកណ្ដាល។
នាឱកាសនោះ ឯកឧត្តមអភិបាលខេត្ត បានឧបត្ថម្ភថវិកា និងជួយអន្តរាគមសង្គ្រោះបន្ទាន់ ផលដំណាំស្រូវរបស់ប្រជាកសិករ ២៣៥ គ្រួសារ លើផ្ទៃដីបង្កបង្កើនផល ១.០៧៥ហិចតា ដែលមានការខ្វះខាតទឹកសម្រាប់ប្រើប្រាស់នៅចំណុចដូចខាងក្រោម៖
-ទីតាំងទី១៖ បូមទឹកពីទន្លេតូចបង្ហូរចូលទៅព្រែកស្ដីប្រវែង ៥០០ម៉ែត្រ ដើម្បីទម្លាក់ទឹកចូលទៅបឹងខ្យង សម្រាប់ស្រោចស្រប់លើផ្ទៃដីដំណាំស្រូវចំនួន ៦៥០ហិចតា របស់ប្រជាកសិករ ១៦០គ្រួសារ នៅភូមិជ្រៃលាស់។
-ទីតាំងទី២៖ បូមទឹកពីទន្លេតូចបង្ហូរចូលព្រែកតាជាប្រវែង ១០០០ម៉ែត្រ ដើម្បីទម្លាក់ទឹកចូលទៅចុងព្រែកសម្រាប់ស្រោចស្រប់លើផ្ទៃដីដំណាំស្រូវប្រាំងចំនួន ៤២៥ហិចតា របស់ប្រជាកសិករ ៧៥គ្រួសារ ក្នុងភូមិព្រែកថ្មី។
-ជួយឧបត្ថម្ភថវិកាចំនួន ២.០០០.០០០ រៀល សម្រាប់ប្រជាពលរដ្ឋស្តារប្រឡាយ៕
