សម្តេចធិបតី បង្ហាញក្តីរីករាយដោយកូនប្រុសមកទទួលដល់ព្រលានយន្តហោះ ហើយបង្ហាញលទ្ធផលចំណាត់ថ្នាក់លេខ១ ក្នុងការប្រលងគណិតវិទ្យា
ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវ បានបង្ហាញពីសារដោយក្តីរំភើបរីករាយដោយកូនប្រុសមកទទួលដល់ព្រលានយន្តហោះ បន្ទាប់ពីអញ្ជើញមកដល់រាជធានីភ្នំពេញ ក្រោយបញ្ចប់ដំណើរបំពេញទស្សនកិច្ចនៅប្រទេសបារាំង និងចូលរួមកិច្ចប្រជុំនៅប្រទេសស្វីស។
តាមរយៈបណ្ដាញសង្គមនៅរសៀលថ្ងៃទី២០ មករានេះសម្តេចធិបតី ហ៊ុន ម៉ាណែត បានរៀបរាប់យ៉ាងដូច្នេះថា “ថ្ងៃនេះបានទទួលថាមពលពេញ ព្រោះបានកូនប្រុសមកទទួលដល់ព្រលានយន្តហោះ ព្រមទាំងនាំយកមកនូវលទ្ធផលពិសេសថ្មីទៀត ក្នុងការប្រលងគណិតវិទ្យា (CARIBOU MATHEMATICS CONTEST) ដែលគាត់បានជាប់ចំណាត់ថ្នាក់លេខ១ ទាំងក្នុងក្របខណ្ឌក្នុងប្រទេសកម្ពុជា និងលើសាកលលោក”៕
