អ្នកនាំពាក្យរង ក្រសួងមហាផ្ទៃ៖ ក្រសួង នឹងបើកយុទ្ធនាការអប់រំ ផ្សព្វផ្សាយពីបញ្ហាបង្កគ្រោះថ្នាក់ចរាចរណ៍នៅកម្ពុជា
ភ្នំពេញ៖ ឯកឧត្ដម ទូច សុឃៈ អ្នកនាំពាក្យរង ក្រសួងមហាផ្ទៃ បានថ្លែងឲ្យដឹងថា ក្រសួងមហាផ្ទៃ សហការជាមួយគណៈកម្មាធិការជាតិ សុវត្ថិភាពចរាចរណ៍ផ្លូវគោក នឹងបើកយុទ្ធនាការអប់រំ ផ្សព្វផ្សាយពីបញ្ហាបង្កគ្រោះថ្នាក់ចរាចរណ៍នៅកម្ពុជា ។
ឯកឧត្ដម ទូច សុឃៈ បញ្ជាក់ថា គ្រោះថ្នាក់ចរាចរណ៍ដែលជាឃាតករ លាក់មុខបានសម្លាប់ ពលរដ្ឋកម្ពុជា ក្នុង១ឆ្នាំៗខ្ទង់២ពាន់នាក់នោះ ដូច្នេះដើម្បីសម្រាលបន្ទុក កុំឲ្យបញ្ហានេះកើតឡើងបន្តបន្ទាប់ និងកាត់បន្ថយបានខ្លះផងនោះ ក្នុងនាមជាលោកឧបនាយករដ្ឋមន្រ្តី ស សុខា ជារដ្ឋមន្រ្តីក្រសួងមហាផ្ទៃ និងក្នុងនាមជាប្រធានគណៈកម្មាធិការជាតិ សុវត្ថិភាពចរាចរណ៍ផ្លូវគោក ច្បាស់ណាស់ពិតជារួមសហការគ្នាធ្វើការផ្សព្វផ្សាយពីបញ្ហាគ្រោះថ្នាក់ចរាចរណ៍ ដើម្បីបង្កាទប់ស្កាត់ឲ្យពលរដ្ឋមានការយល់ដឹងកាន់តែច្បាស់ថែមទៀត ។
ឯកឧត្ដម ទូច សុឃៈ បន្ថែមថា ត្រូវធ្វើការរួមគ្នា ទៅលើយន្តការនៃការផ្សព្វផ្សាយ អប់រំដើម្បីទប់ស្កាត់បង្កាដល់បងប្អូនប្រើប្រាស់ដងផ្លូវ និងយាន្តទាំងអស់មានឆ្វេងយល់ គ្រប់ជ្រុងគ្រប់ជ្រោយ” ។ ក្នុងនោះ គោលដៅ នៅតាមសាលារៀន ក៏ជាផ្នែកមួយយកជាកន្លែងអប់រំ ដល់សិស្សានុស្សផងដែរ ក្រោយពីលោកឧបនាយករដ្ឋមន្រ្តី ស សុខា មានគម្រោង សហការជាមួយក្រសួងអប់រំ ។
ឯកឧត្ដម ទូច សុឃៈ បានសង្កត់ធ្ងន់ថា ចំពោះអ្នកបង្កគ្រោះថ្នាក់ចរាចរណ៍ ធ្វើឲ្យមានមនុស្សស្លាប់ត្រូវតែវាយខ្នោះភ្លាមៗតែម្តង ៕
