លោកជំទាវបណ្ឌិត ពេជ ចន្ទមុន្នី សូមអភ័យទោសដោយមិនបានផ្ញើសារតបទៅផ្ទាល់ក្នុងថ្ងៃខួបកំណើត

ភ្នំពេញ៖ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អគ្គស្នងការនៃសមាគមកាយឫទ្ធិ នារីកម្ពុជា និងជាអនុប្រធានសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) បានសូមអភ័យទោសដោយមិនបានផ្ញើសារផ្ទាល់ទៅជូនលោកអ៊ុំ ពូមីង បងប្អូនគ្រប់គ្នា ដែលបានផ្ញើសារជូនពរលោកជំទាវក្នុងថ្ងៃខួបកំណើត។

តាមរយៈបណ្ដាញសង្គមហ្វេសប៊ុក នៅថ្ងៃទី២៣ ខែមករា ឆ្នាំ២០២៤នេះ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានមានប្រសាសន៍យ៉ាងដូច្នេះថា “ ជាដំបូងនាងខ្ញុំសូមអភ័យទោសដោយមិនបានផ្ញើសារផ្ទាល់ទៅជូនលោកអ៊ុំ ពូមីង បងប្អូនគ្រប់គ្នា ដែលបានផ្ញើសារជូនពរនាងខ្ញុំក្នុងថ្ងៃខួបកំណើត។ នាងខ្ញុំសូមអរគុណដល់បងប្អូនទាំងអស់គ្នាចំពោះសារជូនពរយ៉ាងកក់ក្តៅ និងសូមថ្លែងអំណរគុណជូនចំពោះបងប្អូនទាំងអស់គ្នាដែលបានស្រលាញ់រាប់អាននាងខ្ញុំ 🙏🙏ឆ្លៀតឱកាសនេះនាងខ្ញុំក៏សូមជូនពរដល់លោកអ៊ុំ ពូមីង បងប្អូនទាំងអស់គ្នានិងក្រុមគ្រួសារឲ្យបានប្រកបទៅដោយសេចក្តីសុខ សុភមង្គលនិងទទួលបានជោគជ័យលើគ្រប់ភារកិច្ចទាំងអស់ ជាពិសេសមានសុខភាពល្អ 🙏🙏🥰” ។

សូមបញ្ជាក់ថា កាលពីថ្ងៃទី២២ ខែមករា ឆ្នាំ២០២៤ម្សិលមិញជាថ្ងៃចម្រើនជន្មាយុរបស់លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត គម្រប់ ៤៣ឆ្នាំ ឈានចូល ៤៤ឆ្នាំ ដែលមានបណ្ដាថ្នាក់ដឹកនាំរួមទាំងមន្ត្រីរាជការបងប្អូនប្រជាពលរដ្ឋជាច្រើនបានផ្ញើសារជូនពរលោកជំទាវបណ្ឌិតផងដែរ៕