មន្ត្រីជាន់ខ្ពស់ក្រសួងមហាផ្ទៃ៖ រហូតមកដល់ពេលនេះ នគរបាលជិត ១០០នាក់ហើយ ត្រូវបានបណ្តេញចេញពីក្របខណ្ឌ
ភ្នំពេញ៖ ឯកឧត្ដម ទូច សុឃៈ អ្នកនាំពាក្យរងក្រសួងមហាផ្ទៃ បានឲ្យដឹងថា គិតរហូតមកដល់ពេលនេះ មន្រ្តីនគរបាលជាតិជិត ១០០នាក់ហើយ ត្រូវបានបណ្ដេញចេញពីក្របខ័ណ្ឌ បន្ទាប់ពីល្មើសវិន័យកងកម្លាំងនគរបាលជាតិ ។
ការបណ្ដេញចេញនេះធ្វើឡើង ក្រោមគតិបណ្ឌិត «សម្អាតផ្ទះយើង» របស់សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា និងទស្សនៈ «អ្វីៗដើម្បីភាពកក់ក្តៅ ជូនប្រជាពលរដ្ឋ» របស់ឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃ បានដាក់ចេញមកនេះ គឺបានសំអាតមន្រ្តីមិនល្អ ៕
