វរសេនីយ៍ឯក ភើយ លំអង នាំយកថវិកាមិត្តរួមអាវុធតំបន់ប្រតិបត្តិការសឹករងបាត់ដំបង ប្រគល់ជូនយោធិនមានជំងឺកំពុងសម្រាកព្យាបាលនៅផ្ទះ
ភ្នំពេញ៖ វរសេនីយ៍ឯក ភើយ លំអង មេបញ្ជាការស្តីទី តំបន់ប្រតិបត្តិការសឹករងបាត់ដំបង នាថ្ងៃទី២៦ ខែមករា ឆ្នាំ២០២៤ បានដឹកនាំ លោកមេបញ្ជាការរង នាយសេនាធិការរង នាយ នាយរង ការិយាល័យ ផ្នែក និងសហការី នាំយកថវិកាដែលបានមកពីការចូលរួមរបស់លោកមេបញ្ជាការ មេបញ្ជាការរង នាយសេនាធិការរង ព្រមទាំងនាយទាហាន-ពលទាហានចំណុះតំបន់ប្រតិបត្តិការសឹករង បាត់ដំបង ចំនួន ៣.០១០.០០០រៀល ប្រគល់ជូនព្រិន្ទបាលឯក សុខន បូរ៉ា ជំនួយការ សុខាភិបាល តំបន់ប្រតិបត្តិការសឹករង បាត់ដំបង ដែលកំពុងមានជំងឺសម្រាកព្យាបាលនៅគិលានដ្ឋាន តំបន់ប្រតិបត្តិការសឹករងបាត់ដំបង ។
ព្រិន្ទបាលឯក សុខន បូរ៉ា បានគោរពថ្លែងអំណរគុណយ៉ាងជ្រាលជ្រៅបំផុត ជូនចំពោះ ថ្នាក់ដឹកនាំ ព្រមទាំងនាយទាហាន នាយទាហានរង និងពលទាហាន ដែលតែងតែយកចិត្តទុកដាក់គិតគូដល់សុខទុក្ខរបស់យោធិន និងក្រុមគ្រួសារពេលជួបការលំបាក និងសូមគោរពជូនពរថ្នាក់ដឹកនាំ ព្រមទាំងនាយ-ពលទាហាន សូមមានសុខភាពល្អសម្រេចជោគជ័យគ្រប់ភារកិច្ចដែលថ្នាក់លើប្រគល់ជូន និងជួបប្រទះនិងពុទ្ធពរបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
