កម្ពុជា-ហ្សកហ្ស៊ី ចុះហត្ថលេខាលើអនុស្សរណៈនៃការយោគយល់គ្នាស្តីពី ការបង្កើតកិច្ចពិគ្រោះយោបល់ទ្វេភាគី
ភ្នំពេញ៖ នាថ្ងៃទី០២ ខែកុម្ភៈ ឆ្នាំ២០២៤ ឯកឧត្តមបណ្ឌិត ចែម វីឌ្យ៉ា រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ បានទទួលជួបពិភាក្សាការងារជាមួយឯកឧត្តម Alexander Khvtisiashvili អនុរដ្ឋមន្រ្តីក្រសួងការបរទេសហ្សកហ្ស៊ី តាមប្រព័ន្ធវីដេអូ។
ថ្នាក់ដឹកនាំជាន់ខ្ពស់ទាំងពីរបានផ្លាស់ប្តូរទស្សនៈគ្នាលើការអភិវឌ្ឍក្នុងប្រទេសទាំងពីរ ព្រមទាំងបានបញ្ជាក់ឡើងវិញពីការប្តេជ្ញាចិត្តក្នុងការគោរពនិតិរដ្ឋក្នុងកិច្ចការអន្តរជាតិ។
ក្នុងឱកាសនោះផងដែរ ភាគីកម្ពុជា និងហ្សកហ្ស៊ី បានចុះហត្ថលេខាលើអនុស្សរណៈនៃការយោគយល់គ្នាស្តីពី ការបង្កើតកិច្ចពិគ្រោះយោបល់ទ្វេភាគី រវាងក្រសួងការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា និងក្រសួងការបរទេសនៃប្រទេសហ្សកហ្ស៊ី ដើម្បីពង្រឹងកិច្ចសហប្រតិបត្តិការជិតស្និទ្ធរវាងប្រទេសទាំងពីរបន្ថែមទៀត ៕
