រយៈពេល៥ថ្ងៃ មន្រ្តីផ្ដល់សេវាអត្តសញ្ញាណកម្មជូនប្រជាពលរដ្ឋទូទាំងប្រទេស ជាង១ម៉ឺន៣ពាន់សេវា ក្នុងនោះអត្តសញ្ញាណបណ្ណមានជិត៥ពាន់សន្លឹកឯណោះ

ភ្នំពេញ ៖ ក្នុងរយៈពេល៥ថ្ងៃ នៃម៉ោងរដ្ឋបាល គិតចាប់ពីថ្ងៃទី២៩ ខែមករា ដល់ថ្ងៃទី២ ខែកុម្ភៈ ឆ្នាំ២០២៤នេះ មន្រ្តីអត្តសញ្ញាណកម្ម នៃក្រសួងមហាផ្ទៃ ទូទាំងប្រទេស បានផ្ដល់សេវាអត្តសញ្ញាណកម្មជូនប្រជាពលរដ្ឋបានចំនួន ១៣.៥៥៤សេវា។ នេះបើតាមលោក ទូច សុឃៈ (សុខៈ) អ្នកនាំពាក្យរងក្រសួងមហាផ្ទៃ។

ពីចំណែកនៃសេវាដែលបានផ្ដល់ជូនប្រជាពលរដ្ឋនោះ លោក ទូច សុឃៈ (សុខៈ) បានលម្អិតឱ្យដឹងថា សេវាអត្តសញ្ញាណបណ្ណមានចំនួន ៤.៨៥៤សន្លឹក លិខិតឆ្លងដែនមាន ៣.៥៦០លិខិត សៀវភៅស្នាក់នៅមាន ១.៩៦៤ក្បាល សៀវភៅគ្រួសារមាន១.៨១៤ក្បាល និងលិខិតធ្វើដំណើរមានចំនួន១.៣៧១លិខិត។

ដោយមានយុទ្ធសាស្រ្តបញ្ចកោណ ជាបន្ទាត់គោល និងមរតកគោលនយោបាយភូមិ ឃុំ សង្កាត់ មានសុវត្ថិភាព ជាគន្លឹះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមមហាផ្ទៃ បានដៅយកការលើកកម្ពស់គុណភាពសេវាសាធារណៈ ជាអាទិភាពមួយ ទន្ទឹមនឹងទិសដៅអាទិភាពទាំង៦ដែលត្រូវអនុវត្តពីដើមនីតិកាលទី៧ ស្របតាមទស្សនៈ អ្វីៗធ្វើដើម្បីផ្ដល់ភាពកក់ក្ដៅជូនប្រជាពលរដ្ឋ៕