មន្ត្រីជាន់ខ្ពស់ក្រសួងអភិវឌ្ឍន៍ជនបទ ដឹកនាំកិច្ចចរចាថ្លៃលើគម្រោងការងារស្ថាបនាផ្លូវក្រាលបេតុង ១ខ្សែ និងស្ថាបនាស្ពានបេតុង ១កន្លែង ក្នុងស្រុកកោះកុង
ភ្នំពេញ៖ នាព្រឹកថ្ងៃអង្គារ ១២រោច ខែបុស្ស ឆ្នាំថោះ បញ្ចា័ក ព.ស.២៥៦៧ ត្រូវនឹងថ្ងៃទី ០៦ ខែកុម្ភៈ ឆ្នាំ២០២៤ ឯកឧត្ដម ឈឹម សៅគី រដ្ឋលេខធិការប្រចាំការ និងជាអនុប្រធានគណហកម្មាធិការលទ្ធកម្ម តំណាងដ៏ខ្ពង់ខ្ពស់ ឯកឧត្ដម ឆាយ ឫទ្ធិសែន រដ្ឋមន្ត្រី ក្រសួងអភិវឌ្ឍន៍ជនបទ បានអញ្ជើញដឹកនាំកិច្ចចរចាថ្លៃលើគម្រោងការងារស្ថាបនាផ្លូវដូចខាងក្រោម៖
-ផ្លូវក្រាលបេតុងចំនួន ០១ខ្សែ ប្រវែង ១,៩០០ម៉ែត្រ ទទឹង៧ម៉ែត្រ កម្រាស់ ០,២ម៉ែត្រ ចិញ្ចើមដីសងខាងក្រាលដីល្បាយក្រួស ទទឹងម្ខាងៗ ១ម៉ែត្រ កម្រាស់ ០,២ម៉ែត្រ។
-ស្ថាបនាស្ពានបេតុងចំនួន ០១កន្លែង ប្រវែង ១៨ម៉ែត្រ ទទឹង៥ម៉ែត្រ ការងារចាក់ដីសងខាងក្បាលស្ពានប្រវែង ២០០ម៉ែត្រ និងផ្លាកឈ្មោះផ្លូវចំនួន ២កន្លែង ស្ថិតនៅក្នុងភូមិ១ ចំណុចឡាំដាំ ឃុំកោះកាពិ និងភូមិជ្រោយប្រស់ ឃុំជ្រោយប្រស់ ស្រុកកោះកុង ខេត្តកោះកុង (DRR-NC-2023-No,095) ដែលអនុវត្តដោយ នាយកដ្ឋានវិស្វកម្ម ក្រសួងការពារជាតិ។
ដោយមានការអញ្ជើញចូលរួមពីតំណាងក្រសួងសេដ្ឋកិច្ច និងហិរញ្ញវត្ថុ (តាមរយ:វីឌីអូនិម្មិតកម្ម) តំណាងនាយកដ្ឋានវិស្វកម្ម ក្រសួងការពារជាតិ និងពីសំណាក់ឯកឧត្ដម រដ្ឋលេខាធិការ អនុរដ្ឋលេខាធិការ អគ្គនាយករងរដ្ឋបាលហិរញ្ញវត្ថុ អគ្គនាយករងបច្ចេកទេស និងមន្ត្រីលទ្ធកម្មរបស់ក្រសួងសរុប ១៧រូប ៕
