ឯកឧត្តមរដ្ឋមន្ត្រី ថោ ជេដ្ឋា អញ្ជើញចូលរួមពិធីប្រកាសកែសម្រួល ផ្ទេរ និងចាត់តាំង សមាសភាព ក្រុមការងាររាជរដ្ឋាភិបាល ចុះមូលដ្ឋាន ខេត្តកំពង់ធំ
ភ្នំពេញ៖ ឯកឧត្តម ថោ ជេដ្ឋា រដ្ឋមន្ត្រី ក្រសួងធនធាន ទឹក និង ឧតុនិយម អនុប្រធាន ក្រុមការងារ រាជរដ្ឋាភិបាល ចុះមូលដ្ឋាន ខេត្ត កំពង់ធំ នៅថ្ងៃទី៦ ខែកុម្ភៈ ឆ្នាំ ២០២៤ បានអញ្ជើញចូលរួម ក្នុងពិធី ប្រកាសកែសម្រួល ផ្ទេរ និងចាត់តាំង សមាសភាព ក្រុម ការងារ រាជរដ្ឋាភិបាល ចុះមូលដ្ឋានខេត្តកំពង់ធំ ។
សូមជម្រាបថា ពិធីប្រកាសកែសម្រួល ផ្ទេរ និង ចាត់តាំងសមាសភាព ក្រុមការងាររាជរដ្ឋាភិបាល ចុះ មូលដ្ឋាន ខេត្តកំពង់ធំ បានប្រព្រឹត្ត ទៅក្រោម អធិបតីភាពដ៏ខ្ពង់ខ្ពស់ សម្តេចគតិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ ដោយ មា នការចូលរួមពីឯកឧត្តម ប្រធានកិត្តិយស ឯកឧត្តម ប្រធាន ឯកឧត្តម លោកជំទាវ លោកឧកញ៉ា លោក លោកស្រី អនុប្រធាន សមាជិក ក្រុមការងាររាជរដ្ឋាភិបាល ចុះមូលដ្ឋានខេត្តកំពង់ធំ គណៈ អភិបាលខេត្ត និង អ្នកពាក់ព័ន្ធជាច្រើននាក់ទៀត ។
គួរបញ្ជាក់ថា ឯកឧត្តម ជា ចាន់តូ ត្រូវបានចាត់តាំងជាប្រធានកិត្តិយសនៃក្រុមការងារចុះមូលដ្ឋាន ខេត្ត កំពង់ធំ និង ឯកឧត្តម វង្សី វិស្សុត ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី ត្រូវ បាន ផ្ទេរភារកិច្ច ពី ប្រធាន ក្រុមការងារចុះមូលដ្ឋាន ខេត្ត កំពង់ ឆ្នាំង មកជាប្រធានក្រុមការងារចុះ មូលដ្ឋាន ខេត្ត កំពង់ ធំ ជំនួស ឯកឧត្តម ថោង ខុន ដែល ត្រូវ បានសម្រួលភារកិច្ចជា អនុប្រធាន ក្រុមការងារ ចុះ មូលដ្ឋាន ខេត្តកំពង់ធំ តាមសេចក្តី សម្រេចលេខ ០៤៣/០១២៤/សស.គក ចុះថ្ងៃទី២៤ ខែមករា ឆ្នាំ ២០២៤ ស្តី ពី ការ កែសម្រួល ផ្ទេរ និង ចាត់តាំងថ្នាក់ដឹកនាំ ក្រុមការងារ រាជរដ្ឋាភិបាល កម្ពុជាចុះមូលដ្ឋានខេត្តកំពង់ធំ ៕
