**គ្រួសារប្តីប្រពន្ធចំនួន២នាក់ បានទទួលមរណភាពដោយសារដើមសំរ៉ងរលំសង្កត់ ក្រោយពេលកាប់ដើម្បីយកផ្លែ នៅក្នុងស្រុកបូទុមសាគរខេត្តកោះកុង**នាយករដ្ឋមន្ត្រីកម្ពុជា ផ្ញើសារលិខិតរំលែកមរណទុក្ខជូនចំពោះ ឯកឧត្ដម Cardinal Pietro PAROLIN ប្រមុខដឹកនាំបុរីវ៉ាទីកង់ ចំពោះការយាងសោយទីវង្គតរបស់ សម្ដេចប៉ាប ហ្រ្វង់ស័រ ព្រះប្រមុខសង្ឃកាតូលិក**ផ្លូវជាតិលេខ៤៨ គឺជាខ្សែផ្លូវដ៏សំខាន់ ដើរតួនាទីជាសរសៃឈាមសេដ្ឋកិច្ចដ៏មានសក្តានុពលរបស់កម្ពុជា**មន្ទីរបរិស្ថានខេត្តកោះកុង បំភ្លឺជុំវិញករណីចាប់ផ្លែសំរ៉ង**ឯកឧត្តម កើត រិទ្ធ អញ្ជើញជាអធិបតីក្នុងកិច្ចប្រជុំបច្ចេកទេស នៃអាជ្ញាធរជាតិដោះស្រាយវិវាទក្រៅប្រព័ន្ធតុលាការ**រដ្ឋមន្ត្រីក្រសួងសុខាភិបាល បន្តធ្វើបឋកថាលើភាពជាអ្នកដឹកនាំស្តីពី ប្រធានបទ ”ក្រិត្យក្រមនៃមូលដ្ឋានសម្ភារនិយមវិចារវិទ្យា”**ឯកឧត្តម សុខ ពុទ្ធិវុធ អញ្ជើញដាក់កម្រងផ្កាគោរពវិញ្ញាណក្ខន្ធសពឯកឧត្តម សុខ សំអុល**អគ្គលេខាធិការដ្ឋានរដ្ឋសភា ប្រកាសលទ្ធផលនៃកិច្ចប្រជុំគណៈកម្មាធិការអចិន្ត្រៃយ៍រដ្ឋសភា**នាយកប្រចាំប្រទេស នៃអង្គការ WVI ប្រកាសគាំទ្រ និងពង្រឹងកិច្ចសហប្រតិបត្តិការជាមួយក្រសួងអភិវឌ្ឍន៍ជនបទ ឱ្យកាន់តែមានភាពស្អិតល្មួតបន្ថែមទៀត**រដ្ឋមន្ត្រីក្រសួងអធិការកិច្ច ដឹកនាំកិច្ចប្រជុំគណៈកម្មការរៀបចំសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥**មេទ័ពជើងគោកម៉ាឡេស៊ី កោតសរសើរកម្ពុជាចំពោះការរីកចម្រើនយ៉ាងឆាប់រហ័សលើគ្រប់វិស័យ​**អាមេរិក​ដំឡើង​ពន្ធ​ខ្ពស់​ដល់​ទៅ ៣.៥២១ភាគរយ លើ​ការ​នាំ​ចូល​ពន្លឺព្រះអាទិត្យ​ពី​ប្រទេសអាស៊ីអាគ្នេយ៍**រដ្ឋមន្រ្តី ឈាង រ៉ា៖ ថ្នាក់ដឹកនាំមិនមែនសម្រេចកិច្ចការបាន ដោយត្រឹមតែការចរចារនោះទេ គឺបន្ថែមពីនោះទាមទារនូវសមត្ថភាពពិចារណាគិតគូរយ៉ាងល្អិតល្អន់ប្រកបដោយភាពត្រឹមត្រូវ**ឧបនាយករដ្ឋមន្រ្តី ២រូប អញ្ជើញប្រកាសខេត្តកំពង់ស្ពឺ បញ្ចប់ការវាស់វែងដីធ្លីមានលក្ខណៈជាប្រព័ន្ធ និងចែកបណ្ណកម្មសិទ្ធិដីធ្លីជូនពលរដ្ឋ ជិត៦មុឺនបណ្ណ ក្នុងភូមិសាស្ត្រខេត្តកំពង់ស្ពឺ**កម្ពុជា-ចក្រភពអង់គ្លេស បញ្ជាក់អំពីការរីកចម្រើនក្នុងទំនាក់ទំនងរវាងប្រទេសទាំងពីរ និងបានរិះរកមធ្យោបាយដើម្បីពង្រឹងបន្ថែមទៀតនូវកិច្ចសហប្រតិបត្តិការទ្វេភាគី និងពហុភាគី**ឱកាសការងារ! អាជ្ញាធរជាតិដោះស្រាយវិវាទក្រៅប្រព័ន្ធតុលាការ ជ្រើសរើសមន្ត្រីជាប់កិច្ចសន្យា ១៥រូប**និយ័តករអាជីវកម្មអចលនវត្ថុនិងបញ្ចាំ ចេញសេចក្តីជូនដំណឹងស្តីពី ការប្រកបអាជីវកម្មបញ្ចាំ និងប្រាតិភោគដោយអនុប្បទាន ដោយគ្មានអាជ្ញាបណ្ណពីនិយ័តករអាជីវកម្មអចលនវត្ថុនិងបញ្ចាំ**ក្រសួងពាណិជ្ជកម្ម ចេញសេចក្តីប្រកាសព័ត៌មាន ពាក់ព័ន្ធនឹងករណីស៊ើបអង្កេតប្រឆាំងនឹងការលក់បង្ខូចថ្លៃ និងការឧបត្ថម្ភធនលើផលិតផលបន្ទះសូឡានាំចូលពីកម្ពុជា**អភិបាលខេត្តកំពង់ធំ៖ ការអភិវឌ្ឍន៍ប្រាសាទសំបូរព្រៃគុក និងតំបន់ជុំវិញ ជាគោលដៅទេសចរណ៍ដ៏លេចធ្លោសម្រាប់ខេត្តកំពង់ធំ ដើម្បីទាក់ទាញភ្ញៀវទេសចរ**ចូលឆ្នាំថ្មីមានក្មេងទំនើង ជាង ១០នាក់ ត្រូវបញ្ជូនទៅពន្ធនាគារ ក្រោយចូលឆ្នាំករណីនេះថយចុះច្រើន!

ឯកឧត្តមបណ្ឌិតសភាចារ្យ ហង់ ជួនណារ៉ុន ដឹកនាំកិច្ចប្រជុំបូកសរុបលទ្ធផលបេសកកម្ម ការរៀបចំគម្រោងកែលម្អការអប់រំឧត្តមសិក្សាទី២ (HEIP)

ភ្នំពេញ៖ ឯកឧត្តមបណ្ឌិតសភាចារ្យ ហង់ ជួនណារ៉ុន ឧបនាយករដ្ឋមន្ត្រី រដ្ឋមន្ត្រី ក្រសួងអប់រំ យុវជន និងកីឡា នាថ្ងៃទី៦ ខែកុម្ភៈ ឆ្នាំ២០២៤ បានដឹកនាំកិច្ចប្រជុំ បូកសរុបលទ្ធផលបេសកកម្ម ការរៀបចំគម្រោងកែលម្អការអប់រំ ឧត្តមសិក្សាទី២ (HEIP) ដែលគាំទ្រដោយធនាគារពិភពលោក(World Bank) និងមានការចូលរួមពី ក្រុមការងារបច្ចេកទេសតំណាងដៃគូអភិវឌ្ឍ ឯកឧត្តម លោកជំទាវ ថ្នាក់ដឹកនាំ សាកលវិទ្យាធិការ និងមន្ត្រីពាក់ព័ន្ធក្រោមឱវាទក្រសួង ។

គោលបំណងនៃកិច្ចប្រជុំនេះ គឺ ដើម្បីតាមដានវឌ្ឍនភាព នៃការអនុវត្តគម្រោង ក្នុងគោលដៅកែលម្អផែនការសកម្មភាព ដោយផ្អែកលើលទ្ធផលសម្រេចបានកន្លងមក ឈានទៅលើកកម្ពស់គុណភាព ការងារសិក្សាស្រាវជ្រាវ , ពង្រឹងអភិបាលកិច្ចគ្រឹះស្ថានឧត្ដមសិក្សា STEM និងកសិកម្មនៅតាមគ្រឹះស្ថានឧត្តមសិក្សាគោលដៅ, ផ្តល់ការឆ្លើយតបទាន់ពេល និងប្រកបដោយប្រសិទ្ធភាព ក្នុងករណីជួបវិបត្តិ ឬការរាំងស្ទះ ក៏ដូចជារៀបចំផែនការយុទ្ធសាស្ត្ររយៈពេល ៥ ឆ្នាំចាប់ពីឆ្នាំ ២០២៤ ដល់ឆ្នាំ ២០២៩។

កិច្ចប្រជុំនេះ ផ្ដោតពិភាក្សាលើ ការបែងចែកមូលនិធិដោយ HEIs (Higher Educarion Institutions ) ចំណុចត្រូវកែលម្អបន្ថែមទៀតដោយផ្អែកលើតម្រូវការ នៃការប្ដេជ្ញាចិត្តជាក់ស្តែងរបស់កម្មវិធីសិក្សាតាមគ្រឹះស្ថានឧត្តមសិក្សា កែតម្រូវការងារស្រាវជ្រាវដែលត្រួតស៊ីគ្នា និង សុពលភាពនៃស្តង់ដាការអប់រំឧត្តមសិក្សា។

សមិទ្ធផលសម្រេចកន្លងមករបស់គម្រោងកែលម្អការអប់រំឧត្តមសិក្សាទី២(HEIP) រួមមាន៖

(១). កែលម្អគុណភាព និងភាពពាក់ព័ន្ធនៃកម្មវិធីសិក្សា៖ ដោយធ្វើទំនើបកម្មកម្មវិធីសិក្សា ដើម្បីឆ្លើយតបទៅនឹងតម្រូវការទីផ្សារ និងពង្រឹងជំនាញសតវត្សទី ២១ របស់សិស្ស លើកកំពស់គុណវុឌ្ឍិវិជ្ជាជីវៈរបស់សាស្ត្រាចារ្យ លើកកម្ពស់គុណភាពគរុកោសល្យប្រកបដោយភាពច្នៃប្រឌិត ផ្តល់ការណែនាំដើម្បីបំពេញតាមស្តង់ដា សិក្សាថ្នាក់ជាតិ/តំបន់ និងផ្តល់កម្មវិធី/វគ្គសិក្សាដែលមិនមែនជាសញ្ញាប័ត្រ (Micro credentials)។
(២). កែលម្អលទ្ធភាពទទួលបាន និងសមធម៌ ៖ តាមរយៈការអភិវឌ្ឍ ហេដ្ឋារចនាសម្ព័ន្ធ ការធ្វើទំនើបកម្ម និងការពង្រីកបន្ទប់ពិសោធន៍ និងហេដ្ឋារចនាសម្ព័ន្ធចាំបាច់សម្រាប់ការរៀន និងបង្រៀន ក៏ដូចជាការបន្ថែមថ្នាក់ បង្កើនការចុះឈ្មោះចូលរៀន សាងសង់អន្តេវាសិកដ្ឋានសម្រាប់សិស្សស្រី សិស្សមកពីគ្រួសារក្រីក្រ និងសិស្សដែលខ្វះខាត។

(៣). គាំទ្រការស្រាវជ្រាវផ្នែក STEM និងកសិកម្ម ៖ គាំទ្រក្រុមស្រាវជ្រាវឱ្យធ្វើគម្រោងស្រាវជ្រាវ ដោយភ្ជាប់ទៅនឹងការធ្វើពាណិជ្ជកម្ម (មន្ទីរពិសោធន៍ សម្ភារៈប្រើប្រាស់) ការកែលម្អលក្ខខណ្ឌការងារសម្រាប់អ្នកស្រាវជ្រាវ លើកកម្ពស់ទំនាក់ទំនងជាមួយឧស្សាហកម្ម តាមរយៈកម្មវិធីស្រាវជ្រាវរួមគ្នា, គាំទ្រផលិតផលបានមកពីការស្រាវជ្រាវថ្មីដែលទើបសម្រេចបាន ជំរុញនិរន្តរភាព/ការបង្កើតប្រាក់ចំណូល។
(៤). គាំទ្រមូលនិធិស្រាវជ្រាវជាតិ៖ រៀបចំនីតិវិធីស្រាវជ្រាវ និងច្បាប់ហិរញ្ញប្បទាន ដើម្បីគាំទ្រដល់ HEIs ក្នុងការស្រាវជ្រាវ ផ្តល់ក្របខណ្ឌបទប្បញ្ញត្តិនៃលទ្ធផលស្រាវជ្រាវ ជាពិសេសសម្រាប់ការបង្កើតថ្មីនៃការស្រាវជ្រាវ និងការធ្វើពាណិជ្ជកម្ម បង្កើនសមត្ថភាពស្រាវជ្រាវ បង្កើតប្រព័ន្ធព័ត៌មានស្រាវជ្រាវដើម្បីបញ្ចូលទិន្នន័យលើទិដ្ឋភាពសំខាន់ៗចំនួនពីរ៖ (i) ប្រវត្តិរូបអ្នកស្រាវជ្រាវ និង (ii) ឧបករណ៍មន្ទីរពិសោធន៍។

(៥). ពង្រឹងអភិបាលកិច្ចស្ថាប័ន ៖ តាមរយៈការគ្រប់គ្រងទិន្នន័យ IQA ការសិក្សាតាមដាន ការតវ៉ារបស់សិស្ស ការគ្រប់គ្រងធនធានមនុស្ស និងការគ្រប់គ្រងហិរញ្ញវត្ថុ។
(៦). ពង្រឹងអភិបាលកិច្ចតាមវិស័យ ៖ ធ្វើឌីជីថលកម្មមុខងារសំខាន់ៗនៃទិន្នន័យអប់រំឧត្តមសិក្សា ដូចជា ការផ្តល់ព័ត៌មាសេវាកម្ម និងព័ត៌មានចាំបាច់ជាច្រើនទៀត។
(៧). គ្រប់គ្រងគម្រោង ៖ គាំទ្រការគ្រប់គ្រងគម្រោង និងការត្រួតពិនិត្យ វាយតម្លៃ សំណើដើម្បីដាក់បញ្ចូលវគ្គសិក្សាខ្លីៗ និងកម្មវិធីដែលមិនមានសញ្ញាបត្រដោយផ្អែកលើតម្រូវការ និងជំនាញ ពិនិត្យតាមដានកញ្ចប់ថវិកានៃ កម្មវិធីសិក្សាដែលពេញនិយមខ្លាំង និងផ្តល់ការណែនាំដល់កម្មវិធីផ្សេងទៀតដើម្បីបំពេញតាមស្តង់ដាថ្នាក់ជាតិ/តំបន់។

ក្នុងឱកាសនេះ ឯកឧត្តមបណ្ឌិត សភាចារ្យ បានផ្តល់អនុសាសន៍ ដល់ក្រុមការងារគម្រោង ឱ្យរៀបចំបង្កើតបណ្ដាញអតីតនិស្សិតបញ្ចប់ការសិក្សា (Alumni Network) ដើម្បីផ្សារភ្ជាប់ទំនាក់ទំនង បង្កជាឱកាសឈានទៅចាប់ដៃគូសហការបង្កើតគម្រោង Startup ផ្សេងៗ ក៏ដូចជាស្វែងរកការវិនិយោគ បន្តជំរុញលើកទឹកចិត្តដល់កម្មវិធីជ្រាវស្រាវឱ្យពង្រីកវិសាលភាព និងកាន់តែសម្បូរបែប កែលម្អភាពពាក់ព័ន្ធនៃកម្មវិធីសិក្សា ផ្សារភ្ជាប់ទ្រឹស្តីនឹងការអនុវត្តជាក់ស្តែង និងបន្តយកចិត្តទុកដាក់ពង្រឹងអភិបាលកិច្ចគ្រឹះស្ថានឧត្តមសិក្សា៕

អត្ថបទដែលជាប់ទាក់ទង