សម្តេចធិបតី ហ៊ុន ម៉ាណែត និងលោកជំទាវបណ្ឌិត ដឹកនាំគណៈប្រតិភូរាជរដ្ឋាភិបាលកម្ពុជាមាតុភូមិនិវត្តន៍ បន្ទាប់ពីបំពេញបេសកកម្មប្រកបដោយជោគជ័យ នៅប្រទេសរថៃ

ភ្នំពេញ៖ នាយប់ថ្ងៃពុធ ទី៧ ខែកុម្ភៈ ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានដឹកនាំគណៈប្រតិភូរាជរដ្ឋាភិបាលកម្ពុជាមាតុភូមិនិវត្តន៍ បន្ទាប់ពីបំពេញបេសកកម្មប្រកបដោយជោគជ័យ នៅរាជធានីបាងកក ព្រះរាជាណាចក្រថៃ ដែលសម្រេចបាននូវលទ្ធផលថ្មីបន្ថែមទៀតសម្រាប់ទំនាក់ទំនងដ៏យូរអង្វែង និងចំណងមិត្តភាពជាប្រពៃណី កម្ពុជា-ថៃ ដោយរក្សាផលប្រយោជន៍ទៅវិញទៅមកសម្រាប់ជាតិ និងប្រជាជននៃប្រទេសទាំងពីរ ក៏ដូចជាការរក្សាបានសន្តិភាព ស្ថិរភាព និងវិបុលភាព ក្នុងសហគមន៍អាស៊ាន និងអន្តរជាតិផងដែរ ៕