បញ្ជាការដ្ឋានតំបន់ប្រតិបត្តិការសឹករងកំពង់ធំ បើកកិច្ចប្រជុំកពង្រឹងតួនាទីភារកិច្ចការងារយ៉េនឌ័រ និងគ្រោងទុកការរៀបចំទិវានារីអន្តរជាតិ ៨ មីនា
ភ្នំពេញ៖ នៅថ្ងៃទី១២ ខែកុម្ភៈ ឆ្នាំ២០២៤ នៅទីបញ្ជាការតំបន់ប្រតិបត្តិការសឹករងកំពង់ធំ បានបើកកិច្ចប្រជុំថ្នាក់ដឹកនាំ ក្រុមការងារយ៉េនឌ័រ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ដើម្បីពង្រឹងតួនាទីភារកិច្ច និងគ្រោងទុកការរៀបចំពិធីទិវានារីអន្តរជាតិ ៨ មីនា ឆ្នាំ២០២៤ នៅពេលខាងមុខ ដែលកិច្ចប្រជុំនេះប្រព្រឹត្តទៅក្រោមអធិបតីភាពឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ។
លោកស្រីវរសេនីយ៍ទោ យូ មុន្នីរ័ត្ន នាយរងសេនាធិការ និងជាប្រធានក្រុមការងារយេនឌ័រនៃបញ្ជាការដ្ឋានតំបន់ប្រតិបត្តិការសឹករងកំពង់ធំ បានរាយការណ៍អំពីលទ្ធផលការងារសំខាន់ៗមួយចំនួនដែលក្រុមការងារយ៉េនឌ័រអនុវត្តន៍បានរយៈពេលកន្លងមក និងបានលើកឡើងនូវទិសដៅភារកិច្ច និងសំណូមពរមួយចំនួនដេីម្បីអនុវត្តន៍ភារកិច្ចការងារយ៉េនឌ័រឲ្យកាន់តែមានប្រសិទ្ធភាពថែមទៀត ។
ឧត្តមសេនីយ៍ទោ សោម ស៊ុន បានថ្លែងនូវការនូវការកោតសរសើរចំពោះក្រុមការងារយ៉េនឌ័រនៃបញ្ជាការដ្ឋានតំបន់ប្រតិបត្តិការសឹករងកំពង់ធំ ដែលបានខិតខំប្រឹងប្រែងបំពេញភារកិច្ចដែលថ្នាក់លើប្រគល់ជូនទទួលបានជោគជ័យគួរជាទីមោទនៈ និងបានប្រគល់ភារកិច្ចមួយចំនួន ដែលត្រូវអនុវត្តន៍ចំពោះមុខ៖
ទី១ ការរៀបចំអបអរសាទរទិវានារីអន្តរជាតិ ៨មីនា ខួបលើកទី១១៤ ឆ្នាំ២០២៤ដែលនឹងប្រព្រឹត្តទៅនាពេលខាងមុខនេះ ដើម្បីឲ្យមានភាពអធិកអធម និងទទួលបានជោគជ័យ ស្របតាមការណែនាំរបស់ថ្នាក់លើ ។
ទី២ ពង្រីងតួនាទីភារកិច្ចរបស់ក្រុមការងារយ៉េនឌ័រតាមការណែនាំ និងប្រគល់ភារកិច្ចរបស់ថ្នាក់ដឹកនាំគ្រប់លំដាប់ថ្នាក់ របស់កងយោធពលខេមរភូមិន្ទ និងថ្នាក់ខេត្ត ។
៣/ យកចិត្តទុកដាក់ ក្នុងការងារមនុស្សធម៌ដេីម្បីដោះស្រាយជីវភាពលំបាកខ្វះខាតជូនគ្រួសារកងទ័ព អតីតយុទ្ធជននិងប្រជាជនតាមលទ្ធភាពដែលធ្វើទៅបាន ។
ក្រុមការងារយ៉េនឌ័រ នៃបញ្ជាការដ្ឋានតំបន់ប្រិបត្តិការសឹករងកំពង់ធំ បានប្តេជ្ញាចិត្តអនុវត្តតួនាទីភារកិច្ច ដែលមេបញ្ជាការតំបន់ប្រតិបត្តិការសឹករងកំពង់ធំ បានប្រគល់ជូនឲ្យទទួលបានជោគជ័យ៕
