ឯកឧត្តម អ៊ូច ភា ផ្ញើសារលិខិតអបអរសាទរជូនចំពោះ ឯកឧត្តម ហ៊ុន ម៉ានី ក្នុងឱកាសដែលត្រូវបានរដ្ឋសភា បោះឆ្នោតផ្តល់សេចក្តីទុកចិត្តលើតួនាទីជា «ឧបនាយករដ្ឋមន្ត្រី»

ភ្នំពេញ៖ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ បានផ្ញើសារលិខិតអបអរសាទរជូនចំពោះ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ ក្នុងឱកាសដែលត្រូវបានរដ្ឋសភា នៃព្រះរាជាណាចក្រកម្ពុជា បោះឆ្នោតផ្តល់សេចក្តីទុកចិត្តលើតួនាទីជា «ឧបនាយករដ្ឋមន្ត្រី»។

ឆ្លៀតក្នុងឱកាសដ៏មហានក្ខត្តឬក្ស ប្រសើរថ្លៃថ្លានេះដែរ យើងខ្ញុំទាំងអស់គ្នា សូមសម្តែងនូវមោទនភាព និងកោត សរសើរជាទីបំផុតចំពោះតួនាទីដ៏ឧត្តុង្គឧត្តមនេះ ពិតជាសក្តិសមទៅនឹងគុណវុឌ្ឍ និងបទពិសោធន៍ដ៏សម្បូរបែបរបស់ ឯកឧត្តម ហ៊ុន ម៉ានី ឧបយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ គឺពិតជាសក្តិសមជាទីបំផុត ទៅនឹងបទពិសោធន៍ ជ្រៅជ្រះ និងភាពស្វាហាប់ អង់អាច ក្លាហាន ឆន្ទៈមោះមុត មានស្នាដៃល្អក្នុងការគ្រប់គ្រង ដឹកនាំប្រកបដោយស្មារតី ទទួលខុសត្រូវខ្ពស់ ក្នុងការជំរុញកំណែទម្រង់វិស័យមុខងារសាធារណៈ រួមចំណែកយ៉ាងសំខាន់ក្នុងការអនុវត្តយុទ្ធសាស្ត្រ បញ្ចកោណដំណាក់កាលទី១ របស់រាជរដ្ឋាភិបាលកម្ពុជា នីតិកាលទី៧ នៃរដ្ឋសភា ឱ្យទទួលបានជោគជ័យ។

ជាថ្មីម្តងទៀត ក្នុងនាមក្រុមប្រឹក្សាខេត្ត គណៈអភិបាលខេត្ត កងកម្លាំងប្រដាប់អាវុធទាំងបីប្រភេទ មន្ត្រីរាជការ លោកគ្រូ អ្នកគ្រូ ព្រះសង្ឃ និស្សិត សិស្សានុសិស្ស ព្រមទាំងប្រជាពលរដ្ឋទូទាំងខេត្តតាកែវ និងក្នុងនាមខ្លួនខ្ញុំបាទផ្ទាល់ សូមគោរពសម្តែងនូវភក្ដីភាព និងកតញ្ញូតាធម៌ដ៏ជ្រាលជ្រៅបំផុត និងសូមបួងសួងដល់វត្ថុស័ក្តិសិទ្ធិទាំងឡាយក្នុងលោក ទេវតាទាំងមួយម៉ឺនលោកធាតុ តាមបីបាច់ថែរក្សា ឯកឧត្តម ហ៊ុន ម៉ានី ឧបយករដ្ឋមន្ត្រី រដ្ឋមន្ត្រីក្រសួងមុខងារសាធាណៈ និងលោកជំទាវ ព្រមទាំងបុត្រា បុត្រី ជួបតែសេចក្តីសុខ សុភមង្គល និងប្រកបដោយពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លា ឃ្លៀងឃ្លាតឡើយ ៕