ឯកឧត្ដម ស្វាយ សំអ៊ាង៖ គណបក្សខេត្ត បានវាយតម្លៃសភាពការណ៍ និងបរិយាកាសនយោបាយ មានភាពល្អប្រសើរ ពុំមានបញ្ហាណាមួយ ធ្វើឱ្យប៉ះពាល់ដល់ដំណើរការបោះឆ្នោតឡើយ

ភ្នំពេញ៖ ឯកឧត្តម ស្វាយ សំអ៊ាង សមាជិកគណៈកម្មាធិការកណ្តាល និងជាប្រធានគណៈកម្មាធិការគណបក្សខេត្តស្ទឹងត្រែង បានថ្លែងបញ្ជាក់ថា គណបក្សខេត្ត បានធ្វើការវាយតម្លៃអំពីសភាពការណ៍ និងបរិយាកាសនយោបាយមាន ភាពល្អប្រសើរ ពុំមានបញ្ហាណាមួយដែលធ្វើឱ្យប៉ះពាល់ ដល់ដំណើរការបោះឆ្នោតឡើយ ។

ក្នុងកិច្ចប្រជុំត្រួតពិនិត្យ បូកសរុបលទ្ធផលការងារ និងត្រៀមលក្ខណៈសម្បត្តិដើម្បីអនុវត្តទិសដៅការងារជាអាទិភាព សម្រាប់ដំណាក់កាលទី៣នៃផែនការរួមឆ្ពោះទៅកាន់ការបោះឆ្នោតជ្រើសតាំងសមាជិក ព្រឹទ្ធសភា នីតិកាលទី៥ ឆ្នាំ២០២៤ នាថ្ងៃទី២៣ កុម្ភៈនេះ ឯកឧត្តម ស្វាយ សំអ៊ាង បានមានប្រសាសន៍ថា ថ្ងៃនេះឯកឧត្ដមពិតជាមានសេចក្តីសោមនស្សរីករាយឥតឧបមា ដោយបានរៀបចំកិច្ចប្រជុំត្រួតពិនិត្យ បូកសរុបលទ្ធផលការងារ និងត្រៀមលក្ខណៈសម្បត្តិដើម្បីអនុវត្តទិសដៅការងារជាអាទិភាព សម្រាប់ដំណាក់កាលទី៣នៃផែនការរួមឆ្ពោះទៅកាន់ការបោះឆ្នោតជ្រើសតាំងសមាជិក ព្រឹទ្ធសភា នីតិកាលទី៥ ឆ្នាំ២០២៤ ដែលនឹងឈានចូលមកដល់ នៅថ្ងៃទី២៥ ខែកុម្ភៈ នេះ។

ឆ្លៀតក្នុងឱកាសនេះ ឯកឧត្តម ស្វាយ សំអ៊ាង បានគោរពថ្លែងអំណរគុណយ៉ាងជ្រាលជ្រៅបំផុត ឯកឧត្តមប្រធាន ឯកឧត្តមអនុប្រធាន ក្រុមការងារគណបក្សចុះមូលដ្ឋានខេត្ត ឯកឧត្តមប្រធានគណៈកម្មាធិការ គណបក្សខេត្ត ឯកឧត្តម លោកជំទាវ លោក លោកស្រីមន្ត្រីគណបក្សគ្រប់ថ្នាក់ ដែលដឹកនាំ ព្រមទាំងបន្តជំរុញការចាត់តាំងអនុវត្តនូវសកម្មភាពការងារ នៃផែនការរួមឆ្ពោះទៅកាន់ការបោះ ឆ្នោតជ្រើសតាំងសមាជិកព្រឹទ្ធសភា នីតិកាលទី៥ ស្របតាមស្មារតីនៃគោលការណ៍ដឹកនាំរបស់ គណបក្ស ដែលសម្រេចបានលទ្ធផលជាផ្លែផ្កាគួរកត់សម្គាល់ ជាពិសេសគឺការពង្រឹងការងារ ដឹកនាំគណបក្ស ការងារនយោបាយ សតិអារម្មណ៍ និងចាត់តាំង ជាពិសេសការខិតខំថែរក្សា កម្លាំងអង្គបោះឆ្នោតផ្ទៃក្នុង និងកសាងកម្លាំងអង្គបោះឆ្នោតពីបក្សដទៃ ព្រមទាំងការកៀរគរ ចលនាកម្លាំងមន្ត្រី និងសមាជិកគណបក្សនៅថ្នាក់មូលដ្ឋាន ធ្វើសកម្មភាពយុទ្ធនាការឃោសនា រកសំឡេងឆ្នោតជូនគណបក្ស។

ឯកឧត្តម ស្វាយ សំអ៊ាង បញ្ជាក់ថា «គណបក្សខេត្ត បានធ្វើការវាយតម្លៃអំពីសភាពការណ៍ និងបរិយាកាសនយោបាយមាន ភាពល្អប្រសើរ ពុំមានបញ្ហាណាមួយដែលធ្វើឱ្យប៉ះពាល់ដល់ដំណើរការបោះឆ្នោតឡើយ។ ជាមួយគ្នានេះ គណបក្សក៏សូមកោតសរសើរដល់មន្ត្រីគណបក្ស និងកម្លាំងស្នូលរបស់គណ បក្សនៅគ្រប់ថ្នាក់គ្រប់ផ្នែក បានខិតខំយកអស់ស្មារតី ការទទួលខុសត្រូវខ្ពស់ក្នុងការដឹកនាំ សម្របសម្រួលជុំវិញការងារយុទ្ធនាការឃោសនាបោះឆ្នោតយ៉ាងសកម្ម និងការធានាដល់ការ គ្រប់គ្រងអ្នកបោះឆ្នោត ការកសាងកម្លាំងបោះឆ្នោតជូនគណបក្ស និងការងារសតិអារម្មណ៍លើ បណ្តាញសង្គមនានា Facebook, TikTok, YouTube ជាដើម ព្រមទាំងបន្តក្តាប់ជាប់សភាព ការណ៍នេះចាប់ពីពេលនេះតទៅរហូតដល់ថ្ងៃបោះឆ្នោត និងការរៀបចំឱ្យមានប្រព័ន្ធទំនាក់ ទំនងពីភ្នាក់ងារគណបក្ស មកក្រុមការងារបូកសរុបរបស់គណបក្សខេត្ត និងថ្នាក់ដឹកនាំគណ បក្សខេត្ត ចាប់ពីមុនពេលដំណើរការ ក្នុងពេល ក្រោយពេលដំណើរការបោះឆ្នោត និងការងារ រាប់សន្លឹកឆ្នោត តាមគោលការណ៍ ច្បាប់ បទបញ្ជា និងនីតិវិធី នៃការបោះឆ្នោត» ។

ឯកឧត្តមបន្ថែមថា សម្រាប់ថ្ងៃនេះ គឺជាថ្ងៃដែលថ្នាក់ដឹកនាំ និងមន្ត្រីគណបក្សយើង ជួបជុំគ្នាដើម្បីបូកសរុប ការងារយុទ្ធការឃោសនា និងការត្រៀមរួចរាល់សម្រាប់ថ្ងៃបោះឆ្នោត ថ្ងៃទី២៥ កុម្ភៈ ២០២៤។

ឯកឧត្តម ស្វាយ សំអ៊ាង លើកឡើងថា បណ្តាភារកិច្ចជាអាទិភាពសំខាន់ៗដែលថ្នាក់ដឹកនាំ និងមន្ត្រីគណបក្សយើងត្រូវអនុវត្ត និងត្រៀមលក្ខណៈឱ្យបានរឹងមាំ ម្ចាស់ការ និងទទួលបានជ័យជម្នះធំធេងជូនគណបក្សប្រជា ជនកម្ពុជា ដែលភារកិច្ចទាំងនោះនឹងផ្តល់ការណែនាំ ចង្អុលទិសអនុវត្តដ៏ខ្ពង់ខ្ពស់ ពីសំណាក់ ឯកឧត្តមសន្តិបណ្ឌិតប្រធានក្រុមការងារគណបក្សចុះមូលដ្ឋានខេត្ត និងឯកឧត្តមប្រធានគណ បក្សខេត្ត ក្នុងពេលបន្តបន្ទាប់ទៅតាមរបៀបវារៈនៃកិច្ចប្រជុំនាថ្ងៃនេះ ៕