មានជនអនាមិកលួចបង្កើតគណនី Telegram ក្លែងក្លាយរបស់សម្តេចធិបតី ហ៊ុន ម៉ាណែត, សូមបងប្អូនប្រុងប្រយ័ត្ន កុំចាញ់ការបោកប្រាស់ !
ភ្នំពេញ៖ តាមរយៈបណ្តាញ Telegram និង Facebook ផ្លូវរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅរសៀលថ្ងៃទី២៤ ខែកុម្ភៈ ឆ្នាំ២០២៤នេះ បានប្រកាសថា មានជនអនាមិកបានលួចបង្កើតគណនី Telegram ក្លែងក្លាយរបស់សម្តេចធិបតី ហ៊ុន ម៉ាណែត យកទៅប្រើប្រាស់ក្នុងបំណងទុច្ចរិត។
ជាមួយគ្នានេះ សូមបងប្អូនប្រជាពលរដ្ឋ មេត្តាប្រុងប្រយ័ត្ន កុំចាញ់ការបោកប្រាស់ ឬចេតនាអាក្រក់ផ្សេងៗ របស់ជនខិលខូចទាំងនោះ។
តាមរយៈបណ្តាញ Telegram និង Facebook ផ្លូវរបស់សម្តេចធិបតី ហ៊ុន ម៉ាណែន បានបង្ហោះខ្លឹមសារទាំងស្រុងដូច្នេះថា «សូមជម្រាបជូនដំណឹងដល់សាធារណជនជ្រាបថា មានជនអនាមឹកបានបង្កើតគណនីតេលេក្រាមក្លែងក្លាយរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាហើយបានបោកប្រាស់ និងមានគោលបំណងទុច្ចរិតផ្សេងៗ។
សូមបងប្អូន ពូមីង លោកតាលោកយាយមេត្តាជ្រាបជាព័ត៌មាន និងប្រុងប្រយ័ត្ន ហើយកុំចាញ់ការបោកប្រាស់ ឬចេតនាអាក្រក់ និងសូមចែករំលែកបន្តផងដែរ។
សូមជម្រាបជូនផងដែរថា Channel Telegram ផ្លូវការរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា មានតែមួយគត់ និងមាន Blue Verification និងមានក្នុងតំណភ្ជាប់នេះ https://t.me/Dr_Hunmanetofcambodia»៕
