សម្តេចធិបតី ហ៊ុន ម៉ាណែត អញ្ជើញទៅកាន់វត្តឧណ្ណាលោម រាជធានីភ្នំពេញ ដើម្បីចាត់ចែងរៀបចំព្រះរាជពិធីបុណ្យព្រះសព របស់សម្ដេចព្រះអគ្គមហាសង្ឃរាជាធិបតី ទេព វង្ស
ភ្នំពេញ៖ នៅវេលាយប់ថ្ងៃទី២៦ ខែកុម្ភៈ ឆ្នាំ ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញទៅកាន់វត្តឧណ្ណាលោម រាជធានីភ្នំពេញ ដើម្បីចាត់ចែងរៀបចំព្រះរាជពិធីបុណ្យព្រះសព របស់សម្ដេចព្រះអគ្គមហាសង្ឃរាជាធិបតី ទេព វង្ស សម្តេចព្រះមហាសង្ឃរាជនៃព្រះរាជាណាចក្រកម្ពុជា ដែលទ្រង់បានយាងចូលទិវង្គត កាលពីវេលាម៉ោង ៥និង៤០នាទីល្ងាចថ្ងៃច័ន្ទ ២រោច ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៦ ខែកុម្ភៈ ឆ្នាំ២០២៤ ក្នុងព្រះជន្មាយុ ៩៣ព្រះវស្សា ដោយព្រះជរាពាធ ៕
