បុរស ២នាក់រក្សាទុក និងជួញដូរដោយខុសច្បាប់ នូវសារធាតុញៀន ត្រូវសមត្ថកិច្ចឃាត់ខ្លួនអនុវត្តតមច្បាប់
ភ្នំពេញ៖ មុខសញ្ញារក្សាទុកនិងជួញដូរដោយ ខុសច្បាប់នូវសារធាតុញៀនចំនួន ០២នាក់ ត្រូវបានសមត្ថកិច្ចនគរបាលស្រុកថ្មគោល ធ្វើការឃាត់ខ្លួនអនុវត្តតាមច្បាប់ កាលពីថ្ងៃទី ២៨ខែកុម្ភ: ឆ្នាំ២០២៤ វេលាម៉ោង២១និង៣០នាទីនៅចំណុចក្រុមទី២៦ ភូមិ អូរញរឃុំ បឹងព្រីងស្រុកថ្មគោល ខេត្តបាត់ដំបង។
បុរសជាមុខសញ្ញាទាំង០២នាក់នេះគឺឈ្មោះ ប៉េង ស៊ីន ភេទ ប្រុស អាយុ ២៧ឆ្នាំ នៅភូមិ បឹងព្រីងឃុំ បឹងព្រីងស្រុកថ្មគោល ខេត្តបាត់ដំបងនិងឈ្មោះថា សីហា ហៅហ៊ាភេទប្រុសអាយុ៣៤ឆ្នាំភូមិសំរោងឃុំតាម៉ឺន ស្រុកថ្មគោលខេត្តបាត់ដំបង។
ការឃាត់ខ្លួននេះដឹកនាំអនុវត្តដោយលោកវរសេនីយ៍ទោ សេង លុច អធិការនគរបាលស្រុកថ្មគោល ក្រោមការដឹកនាំបញ្ជារបស់លោកឧត្តមសេនីយ៍ទោ សាត គឹមសាន ស្នងការនៃស្នង ការដ្ឋាននគរបាលខេត្តបាត់ដំបងនិងលោកវរសេនីយ៍ឯកសុខ និមល ស្នងការរងផែនការងារប្រឆាំងគ្រឿងញៀននៃស្នងការដ្ឋាន ក្នុងនោះដកហូតបាន៖
១-ម្សៅក្រាមពណ៌សថ្លាច្រកក្នុងថង់ ប្លាស្ទិកពណ៌សថ្លាចំនួន ១៥ថង់សង្ស័យមានសារធាតុញៀន
២-ទូរស័ព្ទចំនួន០២គ្រឿងចាស់
៣-អំពូលសំរាប់ជក់គ្រឿងញៀនចំនួនមួយ។
ករណីនេះសមត្ថកិច្ចបានកសាងសំណុំរឿងបញ្ជូនមកការិយាល័យជំនាញដេីម្បីចាត់ការបន្តតាមនីតិវិធី ច្បាប់៕
