អភិបាលខេត្តកំពង់ស្ពឺ ដឹកនាំកិច្ចប្រជុំស្ដីពីការបង្កើតគណៈកម្មការរៀបចំព្រឹត្តិការណ៍ប្រកួតបាល់ទាត់មិត្តភាពដើម្បីកៀរគរថវិការមូលនិធិសប្បុរសធម៌ក្រោមប្រធានបទ មាតាដ៏អស្ចារ្យដើម្បីស្នាមញញឹមកុមារ

ភ្នំពេញ៖ នារសៀលថ្ងៃទី២ ខែមីនា ឆ្នាំ២០២៤ ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺបានអញ្ជើញដឹកនាំកិច្ចប្រជុំស្ដីពីការបង្កើតគណៈកម្មការរៀបចំព្រឹត្តិការណ៍ប្រកួតបាល់ទាត់មិត្តភាពដើម្បីកៀរគរថវិការមូលនិធិសប្បុរសធម៌ក្រោមប្រធានបទ មាតាដ៏អស្ចារ្យដើម្បីស្នាមញញឹមកុមារ ដែលរៀបចំឡើងនៅសល់ប្រជុំសាលាខេត្តកំពង់ស្ពឺ ។

សូមបញ្ជាក់ជូនផងដែរថា ការប្រកួតបាល់ទាត់រវាងក្រុមក្រុមបាល់ទាត់ ខ្ញុំស្រឡាញ់កំពង់ស្ពឺ និងក្រុមបាល់ទាត់ ខេមបូឌាហ្វូតបលសូពេីស្តាដើម្បីស្វែងរកថវិកាជួយដល់កុមារដែលកំពុងសម្រាកព្យាបាលនៅមន្ទីរពេទ្យកុមារអង្គរ នឹងប្រព្រឹត្តទៅ នៅថ្ងៃទី០៦ ខែមីនា ឆ្នាំ២០២៤ ចាប់ពីម៉ោង16:00ល្ងាចតទៅនៅកីឡដ្ឋានបាល់ទាត់ខេត្តកំពង់ស្ពឺ ហើយថវិការដែលបានមកពី ការឧបត្ថម្ភកម្មវិធី និងការលក់សំបុត្រចូលទស្សនានឹងធ្វើការបរិច្ចាកផ្ទាល់ទៅកាន់មូលនិធិ មន្ទីរពេទ្យកុមារអង្គរ៕