ស្នងការនគរបាលខេត្ដកំពត បង្ហាញមុខសញ្ញាបោកប្រាស់ក្នុងបណ្តាញសង្គម Facebook

ភ្នំពេញ៖ លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្ដកំពត បានបង្ហាញមុខស្ត្រីម្នាក់ដែលជាមុខសញ្ញាបោកប្រាស់ក្នុងបណ្តាញសង្គម Facebook ។

តាមរយៈបណ្ដាញសង្គមហ្វេសប៊ុក កាលពីថ្ងៃទី៣ ខែមីនា ឆ្នាំ២០២៤ លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្ដកំពត បានបញ្ជាក់ថា មុខសញ្ញានេះកន្លងមកពាក់ពន្ធ័ការបោកបញ្ឆោតបងប្អូនក្នុងការផ្ញើរកាដូរដូចជាមាសប្រាក់របស់របរផ្សេងៗពីបរទេសអោយបងប្អូនប្រជាពលរដ្ឋ ក្រុមនេះមានគ្នាចងជាប្រព័ន្ធក្នុងការបោកប្រាស់ ហើយមុខសញ្ញានេះទើបចេញពីពន្ធនាគារ។

លោកស្នងការបន្តថា ក្រុមពួកនេះ អ្នកខ្លះក្លែងជាភ្នាក់ងារគយនៅតាមអាកាសយានដ្ឋាន អ្នកខ្លះក្លែងជាអ្នកចាំបើកអីវ៉ាន់ សូមជំរាបជូនបងប្អូនទាំងអស់គ្នាថា នៅលើលោកនេះគ្មានអ្នកចិត្តល្អណាដែលផ្ញើរប្រាក់រាប់សិបម៉ឺនដុល្លាអោយបងប្អូនងាយៗនោះទេ៕