បណ្ឌិត្យសភាភូមិន្ទយុត្តិធម៌កម្ពុជា បន្តទទួលពាក្យសុំចូលរួមប្រឡងប្រជែង ជ្រើសរើសសិស្សសារការី ជំនាន់ទី ៤

ភ្នំពេញ​៖ បណ្ឌិត្យសភាភូមិន្ទយុត្តិធម៌កម្ពុជា បានចេញសេចក្តីជូនដំណឹង បញ្ជាក់ពីការបន្តទទួលពាក្យសុំចូលរួមប្រឡងប្រជែង ជ្រើសរើសសិស្សសារការី ជំនាន់ទី ៤ រហូតដល់មានការជូនដំណឹងសាជាថ្មី។

នៅក្នុងសេចក្ដីជូមដំណឹងបានបញ្ជាក់ថា និស្សិត និងមន្ត្រីរាជការដែលមានចំណាប់អារម្មណ៍ អាច ទាញយកពាក្យសុំចូលរួមប្រឡងប្រជែងជ្រើសរើសសិស្សសារការី ជំនាន់ទី ៤ ពីទំព័រហ្វេសប៊ុក “បណ្ឌិត្យសភា ភូមិន្ទយុត្តិធម៌កម្ពុជា Royal Academy For Justice of Cambodia” ឬ Telegram Channel “បណ្ឌិត្យសភា ភូមិន្ទយុត្តិធម៌កម្ពុជា-Royal Academy For Justice of Cambodia” ដើម្បីបំពេញបែបបទ និងអញ្ជើញមក ដាក់ពាក្យដោយផ្ទាល់នៅការិយាល័យរដ្ឋបាល នៃបណ្ឌិត្យសភាភូមិន្ទយុត្តិធម៌កម្ពុជា ដែលមានអាសយដ្ឋាន ឋិតនៅមហាវិថី ឈ្នះ ឈ្នះ ភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ នៅរៀងរាល់ ម៉ោងធ្វើការ។

អាស្រ័យដូចបានជម្រាបជូនខាងលើ សូម និស្សិត និងមន្ត្រីរាជការទាំងអស់ជ្រាបជាព័ត៌មាន។ បញ្ជាក់ៈ បេក្ខជនទាំងអស់ ដែលជាប់កាតព្វកិច្ចក្នុងកិច្ចសន្យា ស្តីពីការបំពេញមុខងារវិជ្ជាជីវៈ ជាមួយបណ្ឌិត្យសភាភូមិន្ទយុត្តិធម៌កម្ពុជា មិនអនុញ្ញាតឱ្យចូលរួមប្រឡងប្រជែងឡើយ៕