លោក Jeff Bezos វ៉ាដាច់ លោក Elon Musk ដែលទ្រព្យសម្បត្តិច្រើនជាងគេនៅលើពិភពលោក
បរទេស៖ ស្ថាបនិកក្រុមហ៊ុន Amazon លោក Jeff Bezos បានដណ្តើមយកតំណែងរបស់ល៩កជាបុរសមានបំផុតរបស់ពិភពលោកកាលពីថ្ងៃចន្ទ ដោយទម្លាក់លោក Elon Musk នៅលើសន្ទស្សន៍មហាសេដ្ឋី Bloomberg។
ទ្រព្យសម្បត្តិសុទ្ធរបស់លោក Jeff Bezos មានចំនួន ២០០ពាន់លានដុល្លារ នេះបើយោងតាមអ្នកតាមដាន លើសពី ១៩៨ពាន់លានដុល្លាររបស់ប្រធាន Tesla។
លោក Elon Musk ដែលជាប្រធាន X ដែលជាអតីត Twitter និង SpaceX បានឃើញទ្រព្យសម្បត្តិរបស់លោកធ្លាក់ចុះជាង ៣០ពាន់លានដុល្លារ ខណៈដែលតម្លៃភាគហ៊ុនរបស់ក្រុមហ៊ុន Tesla បានធ្លាក់ចុះ ២៥ភាគរយក្នុងរយៈពេលប៉ុន្មានខែថ្មីៗនេះ។
បន្ថែមលើបញ្ហារបស់លោក Elon Mus តុលាការមួយក្នុងខែមករាបានអនុម័តលុបចោលកិច្ចព្រមព្រៀងសំណង Tesla ដ៏ធំសម្បើមរបស់លោកដែលមានតម្លៃ ៥៥.៨ពាន់លានដុល្លារ ហើយបានឈានដល់ដំបូងក្នុងឆ្នាំ២០១៨។
ទន្ទឹមនឹងនេះដែរ លោក Jeff Bezos ដែលលែងដំណើរការក្រុមហ៊ុន Amazon បានទទួលអត្ថប្រយោជន៍ពីការកើនឡើងតម្លៃភាគហ៊ុនរបស់ក្រុមហ៊ុនអេឡិចត្រូនិកយក្ស។
ទោះបីជាថ្មីៗនេះ បន្ទាប់ពីលក់ភាគហ៊ុនចំនួន ៨.៥ពាន់លានដុល្លារក៏ដោយ ក៏លោកនៅតែជាម្ចាស់ភាគហ៊ុនធំបំផុតរបស់ក្រុមហ៊ុន។
នាយកប្រតិបត្តិជនជាតិបារាំងនៃក្រុមប្រណីត LVMH លោក Bernard Arnault នៅតែស្ថិតក្នុងចំណាត់ថ្នាក់លេខ៣ ក្នុងចំណាត់ថ្នាក់នៃអ្នកមានបំផុតលើពិភពលោកជាមួយនឹងទ្រព្យសម្បត្តិសុទ្ធចំនួន ១៩៧ពាន់លានដុល្លារ។
ប្រភព៖ CBS News
ប្រែសម្រួលដោយ៖ ឡាយ លីហួ
