ស្នងការដ្ឋាននគរបាលខេត្តកំពង់ធំ រៀបចំកិច្ចប្រជុំ ប្រកាសបើកវគ្គបំប៉នជំនាញ បង្ការ ទប់ស្កាត់ ស្រាវជ្រាវបង្ក្រាបបទល្មើស និងកសាងសំណុំរឿង ដល់មន្ត្រីនគរបាលជាតិ

ភ្នំពេញ៖ ឯកឧត្តម ឧត្តមសេនីយ៍ឯក ជា ប៊ុនថុល អនុប្រធាននាយកដ្ឋានកណ្តាលនគរបាលយុត្តិធម៌ និងលោកឧត្តមសេនីយ៍ទោ ម៉ែន លី ស្នងការនគរបាលខេត្តកំពង់ធំ បានអញ្ជើញប្រកាសបើកវគ្គបំប៉នជំនាញ បង្ការ ទប់ស្កាត់ ស្រាវជ្រាវបង្ក្រាបបទល្មើស និងកសាងសំណុំរឿង ដល់មន្ត្រីនគរបាលជាតិ នៃស្នងការដ្ឋាននគរបាលខេត្តកំពង់ធំ នារសៀលថ្ងៃទី០៦ ខែមីនា ឆ្នាំ២០២៤។

លោកឧត្តមសេនីយ៍ទោ ម៉ែន លី ស្នងការនគរបាលខេត្ត បានថ្លែងថា អនុវត្តតាមបទបញ្ជា របស់ក្រសួងមហាផ្ទៃ អគ្គស្នងការដ្ឋាននគរបាលជាតិ តម្រូវឲ្យតាមបណ្តាស្នងការដ្ឋាននគរបាលខេត្តរាជធានី-ខេត្ត ដើម្បីចូលរួមជ្រុំជ្រែងបណ្តុះបណ្តាលលើវិស័យធនធានមនុស្ស និងថ្លែងអំណរគុណចំពោះឯកឧត្តម ឧត្តមសេនីយ៍ឯក ជា ប៊ុនថុល ដែលបានចំណាយពេលវេលា ដ៏មានតម្លៃ បង្ហាត់បង្រៀន ចែករំលែកចំណេះដឹងបទពិសោធន៍ វិធានការជំនាញ ដល់សិក្ខាកាម ថ្ងៃនេះលោក មានក្ដីសោមនស្សរីករាយយ៉ាងក្រៃលែង ដែលបានជួបសំណេះសំណាលជាមួយបងប្អូនៗសិក្ខាកាម នាពេលនេះ។

ឆ្លៀតក្នុងឱកាសនោះ លោកឧត្តមសេនីយ៍ទោ ស្នងការ បានផ្ដាំផ្ញើ ដល់សិក្ខាកាម ត្រូវគោរពវិន័យ បទបញ្ជាផ្ទៃក្នុង របស់វគ្គបណ្តុះបណ្តាល រក្សាភាពស្ងប់ស្ងាត់ ខិតខំកត់ត្រា សិក្សារៀនសូត្រ ពីគ្រូឧទ្ទេសនាមជំនាញនីមួយៗ រហូតសម្រេចបានលទ្ធផលជោគជ័យ តាមការរំពឹងទុក។

ឯកឧត្តម ឧត្តមសេនីយ៍ឯក ជា ប៊ុនថុល អនុប្រធាននាយកដ្ឋានកណ្តាល បានថ្លែងថា ដោយអនុវត្តតាមគោលការណ៍ របស់ថ្នាក់ដឹកក្រសួងមហាផ្ទៃ អគ្គស្នងការដ្ឋាន
នគរបាលជាតិ និងដោយមានការស្នើសុំ ពីអង្គភាពស្នងការដ្ឋាននគរបាលខេត្ត បង្ហាត់បង្រៀន ដល់សិក្ខាកាម ជាមន្ត្រីនគរបាល ដើម្បីបំប៉នជំនាញរយៈពេលខ្លី ពង្រឹងសមត្ថភាពឆ្លើយតបសំដៅធ្វើយ៉ាងណា អនុវត្តវិធានការ បង្ការ ទប់ស្កាត់ កាត់បន្ថយបទល្មើសគ្រប់ប្រភេទតាមមូលដ្ឋាន ឲ្យមានកម្រិត ថែរក្សាបាន សុខសុវត្ថិភាព សណ្តាប់ធ្នាប់សាធារណៈ ផ្ដល់ភាពសុខក្សេមក្សាន្ត ដល់ប្រជាពលរដ្ឋ និងសង្គមជាតិ។

ឯកឧត្តម ឧត្តមសេនីយ៍ឯក បានបញ្ជាក់ថា ខេត្តកំពង់ធំ និងក្លាយជាខេត្ត គំរូមួយ ក្នុងចំណោមខេត្តដទៃទៀត សម្រាប់ការបង្ហាត់បង្រៀន ដល់សិក្ខាកាម ជាមន្ត្រីនគរបាលជាតិ នៅតាមស្នងការដ្ឋាននគរបាលខេត្ត ហើយឯកឧត្តម បានជ្រើសរើសមេរៀនចំនួន០៣ សំខាន់ៗ រួមមាន៖ ទី១.ក្រមព្រហ្មទណ្ឌ, ទី២.ក្រមនីតិព្រហ្មទណ្ឌ និងទី៣.នីតិវិធីកសាងសំណុំរឿងបញ្ជូនទៅតុលាការ ដល់មន្ត្រីនគរបាលជាតិ នៃស្នងការដ្ឋាននគរបាលខេត្ត ពង្រឹងសមត្ថភាពជំនាញបន្ថែម ដល់កងកម្លាំង ស្របតាមគោលនយោបាយ របស់ក្រសួងមហាផ្ទៃ និងអគ្គស្នងការដ្ឋាននគរបាលជាតិ។

សូមបញ្ជាក់ថា វគ្គបណ្ដុះបណ្ដាលរយៈពេលខ្លី រយៈពេល ១០ថ្ងៃ គ្រូឧទ្ទេសនាមចំនួន ១០នាក់ ស្រី០១នាក់, មេរៀចំនួន ១៥ជំនាញ,.សិក្ខាកាមចំនួន ២៨២នាក់ ស្រី ១២នាក់ មកពីការិយាល័យជំនាញ អធិការដ្ឋាននគរបាលក្រុង-ស្រុក និងប៉ុស្តិ៍នគរបាលរដ្ឋបាល ៕