មន្ទីរសាធារណការ និងដឹកជញ្ជូន ខេត្តកណ្តាល ជូនដំណឹង ស្តីពី ការបិទចរាចរណ៍រថយន្តធុនធ្ងន់ គ្រប់ប្រភេទនៅលើកំណាត់ផ្លូវជាតិលេខ២១
ភ្នំពេញ៖ មន្ទីរសាធារណការ និងដឹកជញ្ជូន ខេត្តកណ្តាល ជូនដំណឹង ស្តីពី ការបិទចរាចរណ៍រថយន្តធុនធ្ងន់ គ្រប់ប្រភេទនៅលើកំណាត់ផ្លូវជាតិលេខ២១(ពីស្ពានរំលងផ្លូវក្រវាត់ក្រុងទី៣-ស្ពានកោះធំ) ចាប់ពីវេលាម៉ោង ០៖០០នាទី រំលងអាធ្រាត្រ រហូតដល់ វេលាម៉ោង ១៣៖០០នាទីរសៀល ថ្ងៃទី១៣ ខែមីនា ឆ្នាំ២០២៤។
ការផ្អាកចរាចរណ៍បណ្តោះអាសន្ននេះ គឺដើម្បីរៀបចំពិធីសម្ពោធដាក់ឱ្យប្រើប្រាស់ជាផ្លូវការ «មន្ទីរពេទ្យតេជោសែនកោះធំ» ក្រោមអធិបតីភាពដ៏ខ្ពង់ខ្ពស់ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវ បណ្ឌិត ពេជ ចន្ទមុន្នី ហ៊ុនម៉ាណែត៕
